Les Paroles des anciens (Verba seniorum, livre V)
Qu’il faut prier sans cesse et avec sobriété
De eo quod sine intermissione et sobrie debet orari.De la Priere. Partie XII.
Dicebant de abbate Arsenio, quia vespere Sabbati lucescente Dominica, relinquebat post se solem, et extendebat manus suas ad cœlum orans, donec mane die Dominico illustraret ascendens sol faciem ejus, et sic residebat.
— omis dans cette traduction —
Interrogaverunt fratres abbatem Agathonem, dicentes: Pater, quæ virtus in conversatione plus habet laboris? Et dixit eis: Ignoscite mihi, quia puto non esse alium laborem talem, qualem orare Deum; dum enim voluerit homo orare Deum suum, semper inimici dæmones festinant interrumpere orationem ejus, scientes quia ex nulla re impediuntur, nisi per orationem fusam ad Deum. Siquidem omnem alium laborem, quem homo in religiosa conversatione positus assumpserit, quamvis instanter et toleranter agat, habet tamen et possidet aliquam requiem: oratio autem usque ad ultimam exhalationem opus est, ut habeat laborem magni certaminis.
Les Freres demanderent au Pere Agathon : Pere, quelle vertu en la vie a plus de labeurs, il leur dit : Il n’y a point de tel labeur que de prier Dieu, pource que les diables interrompent ceux qui le prient, car la priere a besoin d’un grand combat jusqu’au soûpir de la vie.
Narravit abbas Dulas, qui fuit discipulus abbatis Besarionis, dicens: Veni aliquando in cellam abbatis mei, et inveni eum stantem ad orationem: et manus ejus erant extensæ in cœlum. Permansit autem hoc faciens jugiter per quatuordecim dies. Et post hæc vocavit me, et dixit: Sequere me. Et exeuntes perreximus in eremo; cum sitirem dixi ei: Abba, sitio. Ille autem melotem tollens discessit a me, quantum jactus est lapidis, et facta oratione attulit eam plenam aqua. Et abivimus in civitatem Lyco, et venimus ad abbatem Joannem; et salutantes eum, fecimus orationem. Deinde sedentes cœperunt loqui de visione quam viderant. Dixit abbas Besarion: Quia exivit præceptum a Domino ut destruantur templa. Et factum est sic; et destructa sunt.
Le pere Dulas racontoit ; Je suis venu quelquefois en la cellule de mon pere ; où je l’ay trouvé en priere, les mains étenduës au Ciel sans cesse, & il s’est tenu en cét état quatorze jours.
Dixit abbas Evagrius: Si deficis animo, ora. Ora autem cum timore, et tremore, et labore, sobrie et vigilanter. Ita oportet orare, maxime propter malignos et ad nequitias vacantes invisibiles inimicos nostros, qui nos in hoc præcipue impedire nituntur.
— omis dans cette traduction —
Dixit iterum: Quando cogitatio contraria in corde venerit, noli alia pro aliis per orationem quærere, sed adversus eum qui te impugnat, gladium lacrymarum exacue.
Le pere Evagrius disoit : Lors que la pensée te vient contraire en ton cœur, ne recherche en priant aucunes choses pour d’autres : mais éguise le glaive des larmes contre celuy qui te fait la guerre.
Mandatum est sanctæ memoriæ Epiphanio episcopo Cyprio, ab abbate monasterii sui, quod habuit in Palæstina: Quia orationibus tuis non negleximus regulam, sed cum sollicitudine tertiam, sextam, nonam atque vesperam celebramus. Ille autem reprehendens eum, mandavit ei: Constat vos vacare ab oratione cæteris horis; eum autem qui verus est monachus, oportet sine intermissione orare, aut certe psallere in corde suo.
— omis dans cette traduction —
Dixit abbas Isaias: Quia presbyter Pelusii cum faceret agapem, et fratres in ecclesia comederent et loquerentur sibi ad invicem, increpans eos dixit: Tacete, fratres; ego enim scio unum fratrem manducantem vobiscum, et oratio ejus ascendit in conspectu Dei velut ignis.
— omis dans cette traduction —
Venit abbas Lot ad abbatem Joseph, et dixit ei: Abba, secundum virtutem meam, facio modicam regulam, et parvum jejunium, et orationem, et meditationem, et quietem, et secundum virtutem meam studeo purgare cogitationes meas; quid ergo debeo de cætero facere? Surgens ergo senex, expandit manus suas in cœlum, et facti sunt digiti ejus velut decem lampades ignis, et dixit ei: Si vis, efficiere totus sicut ignis.
Le Prêtre Loth s’en alla au pere Joseph, auquel il dit selon ma force & ma vertu, j’observe ma petite régle, & mets peine de purger ma pensée ; que dois-je donc faire au reste ? Le bon homme se levant étendit ses mains au Ciel, & ses doigts devinrent comme dix lampes de feu, & luy dit ; Si tu veux, tu peux être tout comme feu.
Venerunt aliquando ad abbatem Lucium in Ennato monachi quidam, qui dicebantur Euchitæ, hoc est orantes; et interrogavit eos senex, dicens: Quod est opus manuum vestrarum? Et illi dixerunt: Nos non contingimus aliquod opus manuum, sed sicut dicit Apostolus, sine intermissione oramus. Dicit eis senex: Et non manducatis? Illi autem dixerunt: Etiam manducamus. Et dicit eis senex: Quando ergo comeditis, quis pro vobis orat? Et iterum interrogavit eos, dicens: Non dormitis? Et illi dixerunt: Dormimus. Et dixit senex: Et cum dormitis, quis pro vobis orat? Et non invenerunt quid ad hæc responderent ei. Et dixit eis: Ignoscite mihi, fratres, quia ecce non facitis sicut dixistis: ego autem ostendam vobis, quia operans manibus meis, sine intermissione oro. Sedeo enim juvante Deo, infundens mihi paucas palmulas, et facio ex eis plectam, et dico: Miserere mei, Deus, secundum magnam misericordiam tuam, et secundum multitudinem miserationum tuarum dele iniquitatem meam. Et dixit eis: Oratio est, an non? Et dixerunt ei: Etiam. Et ille dixit: Quando permansero tota die laborans et orans corde vel ore, facio plus minus sedecim nummos, et pono ex eis ad ostium duos, et residuos manduco. Qui acceperit illos duos denarios, orat pro me tempore quo ego manduco vel dormio; atque ita per gratiam Dei impletur a me quod scriptum est: Sine intermissione orate.
Quelques Moines vinrent un jour au pere Lucius en Evato, lequel s’appelloit Euchites, c’est à dire Orateur, & le bon homme leur demanda : Quel est l’œuvre de vos mains ? Nous ne faisons autre chose que prier sans intermission. Le bon homme leur dit ; Quand vous mangez ou dormez, qui est-ce donc qui prie pour vous ? Quand je travaille de mes mains, je prie sans intermission, & dis ; Mon Dieu ayez pitié de moy, selon vôtre grande misericorde, & selon les multitudes de vos miserations, effacez mes iniquitez ; & quand j’auray travaillé tout le jour, travaillant & priant je fais environ seize pieces d’argent, lesquelles j’en mets deux à la porte, & je me nourris des autres ; & celuy qui prend les deux pieces d’argent à la porte prie quand je mange, ou je dors, & ainsi par la grace de Dieu s’accomplit en moy ce qui est écrit, Priez sans intermission.
Interrogaverunt quidam abbatem Macarium, dicentes: Quomodo debemus orare? Et dixit eis senex: Non opus est multum loqui in oratione, sed extendere manus frequenter, et dicere: Domine, sicut vis et scis, miserere mei. Si autem instat bellum in animo, dicere: Adjuva me. Et quia ipse scit quæ expediant, facit misericordiam nobiscum.
Quelque-uns demanderent au pere Amacharius ; Comment devons nous prier ? Il leur dit : il ne faut pas beaucoup parler en la priere ; mais étendre souvent ses mains au Ciel, & dire : Seigneur, ayez pitié de moy, comme vous voulez, & comme vous sçavez. Mais si vous avez la guerre en l’ame, vous devez dire : Seigneur aidez-moy, car il sçait bien ce qu’il nous faut.
Dicebant de abbate Sisoi, quia nisi cito deponeret manus suas quando stabat adorationem, replebatur mens ejus in superioribus. Si ergo contingebat cum eo aliquem fratrem orare, festinabat cito deponere, ne raperetur mens ejus et moraretur.
— omis dans cette traduction —
Dicebat quidam Patrum: Quia sicut impossibile est ut videat quis in aqua turbida faciem suam, sic et anima, nisi purgata fuerit a cogitationibus alienis, contemplative non potest orare Deum.
Un pere disoit : Comme il est impossible qu’aucun voye sa face en l’eau trouble : ainsi l’ame n’étant purgée de mauvaises pensées, ne peut prier Dieu contemplativement.
Venit quidam senex aliquando in monte Sina; et cum exiret inde, occurrit ei frater in via, et ingemiscens dicebat seni illi: Affligimur, abba, propter siccitatem, quia nobis non pluit. Et dixit ei senex: Quare non oratis et rogatis Deum? Et ille dixit: Et orationem facimus, et deprecamur assidue Deum, et non pluit. Et dixit senex: Credo quia non oratis attentius. Vis autem scire quia ita est? Veni, stemus pariter ad orationem: et extendens in cœlum manus oravit, et statim pluvia descendit. Quod cum vidisset frater ille timuit, et procidens adoravit eum: senex autem statim fugit illinc.
Un pere vint un jour en la montagne de Sinaï, & sortant de-là rencontra un frere en chemin, qui luy dit ; pere nous sommes affligez à cause de la secheresse ; Pourquoi ne priez-vous pas Dieu, dit le Pere ; & il dit : Nous prions assiduellement, & néanmoins il ne plûe point. Le bon homme dit : Je ne pense point que vous priez attentivement, & pour le montrer, ils se mirent en priere ensemble, & incontinent la pluye tomba.
Narraverunt fratres, dicentes: Quia venimus aliquando ad quosdam senes, et cum ex more facta fuisset oratio, salutantes invicem sedimus. Et postquam locuti sumus, cum discederemus, poposcimus ut fieret rursus oratio. Dixit autem unus illorum seniorum ad nos: quid enim, non orastis? Et nos diximus: Etiam. Sed quando intravimus, Pater, tunc est facta oratio, et ex illa hora usque modo locuti sumus. Et ille dixit: Ignoscite mihi, fratres, quia vobiscum sedens quidam frater, et loquens, centum et tres orationes fecit. Hoc cum dixisset, facta oratione dimiserunt nos.
— omis dans cette traduction —
Texte latin : Verba seniorum, livre V des Vitae Patrum, traduit du grec par Pélage, diacre de l’Église romaine, dans l’édition d’H. Rosweyde reprise par la Patrologie latine de Migne, t. 73 (réimpression de 1879), col. 855–988, relu sur les fac-similés ; sans les notes ni les renvois de l’éditeur. · Traduction française de René Gaultier, Les Vies et les miracles des saints Pères hermites, Rouen, 1696 (orthographe de l’édition). Traduction partielle : Gaultier abrège, et s’arrête après la XIVe partie ; les paroles qu’il ne traduit pas sont données en latin seul. Les gloses morales ajoutées par le traducteur ne sont pas reproduites : le texte donné est un extrait établi par la bibliothèque. Texte du domaine public en France (art. L123-1 du code de la propriété intellectuelle). Transcription et révision : Abbatia Sancti Petri de Curte. Signaler une erreur