Les Paroles des anciens (Verba seniorum, livre V)
Du discernement
De discretione.De la Discretion. Partie. X.
Dixit abbas Antonius: Quia sunt quidam conterentes corpora sua in abstinentia; sed quia non habuerunt discretionem, longe facti sunt a Deo.
— omis dans cette traduction —
Fratres quidam venerunt ad abbatem Antonium, ut nuntiarent ei phantasias quas videbant, et cognoscerent ab eo utrum veræ essent, an a dæmonibus illuderentur. Habebant autem asinum secum, et mortuus est eis in via. Cum ergo venissent ad senem, prævenit eos, dicens: Quomodo mortuus est ille asinus in via? Dicunt ei: Unde scis, Pater? Et ille dixit: Dæmones mihi ostenderunt. Dicunt ei: Et nos propterea venimus interrogare te, quia vidimus phantasias, et plerumque fiunt in veritate, ne forte erremus. Et satisfecit eis senex sumpto exemplo de asino, ostendens quia a dæmonibus fiunt ista. Supervenit autem quidam venationem faciens in silvam agrestium animalium, et viderat abbatem Antonium gaudentem cum fratribus, et displicuerat ei. Volens autem senex ei ostendere quia oportet aliquando condescendere fratribus, dicit ei: Pone sagittam in arcu tuo, et trahe; et fecit sic. Et dixit ei: Iterum trahe; et traxit. Et rursus dixit ei: Trahe adhuc; et traxit. Dixit ei venator: Si supra mensuram traxero, frangetur arcus. Dicit ei abbas Antonius: Ita est et in opere Dei: si plus a mensura tendimus, fratres cito deficiunt; expedit ergo una et una relaxare rigorem eorum. Hæc audiens venator compunctus est, et multum proficiens in sermone senis, discessit; et fratres confirmati, reversi sunt in locum suum.
Certains Freres vinrent au pere Antoine, pour luy demander d’où venoit quelques fantaisies qu’ils avoient. Le pere leur dit : Elles viennent du diable.
Quelqu’un survint chassant en la forêt, qui vit le pere Antoine s’éjoüissant avec les Freres : ce qui luy déplût. Le bon homme luy voulant montrer qu’il faut quelquefois condécendre aux Freres, luy dit : Mettez vôtre fléche en son arc & tirez : ce qu’il fit. Et derechef il luy dit : Tirez, & il tira. Et derechef il luy dit ; Tirez encore. Si je tire, dit le chasseur, outre mesure, mon arc se rompra. Ainsi en est-il, dit le pere Antoine en l’œuvre de Dieu ; si nous exerçons les Freres plus que de mesure, ils perdront cœur : il faut donc qu’ils ayent quelque relâche. Le veneur s’en alla content de ces paroles.
Frater dixit abbati Antonio: Ora pro me. Et respondit ei senex: Nec ego tui misereor, nec Deus, nisi pro teipso sollicitus fueris et poposceris a Deo.
Un Frere dit au pere Antoine : Priez pour moy. Le bon homme répondit : Je n’ay pas pitié de toy, ny Dieu aussi, si tu n’és en soucy pour toy-même, & si tu n’implores la grace de Dieu.
Dixit iterum abbas Antonius: Quia non permittit Deus bella excitari in generatione hac, quoniam scit quia infirmi sunt et portare non possunt.
— omis dans cette traduction —
Dixit aliquando abbas Evagrius abbati Arsenio; Quomodo nos excitati eruditione et scientia nullas virtutes habemus, hi autem rustici in Ægypto habitantes tantas virtutes possident? Respondit abbas Arsenius: Nos quia mundanæ eruditionis disciplinis intenti sumus, nihil habemus; hi autem rustici Ægyptii ex propriis laboribus acquisierunt virtutes.
Un jour Evagrius dit au pere Arsenius : Comment se fait-il que d’une grande condition de science, nous n’avons aucunes vertus ; & ces rustiques qui sont en Egypte en possedent tant ? Le pere Arsenius répondit : Nous autres qui sommes attentifs à la science mondaine, nous n’avons rien. Mais ces rustiques Egyptiens ont acquis les vertus de leurs propres labeurs.
Dicebat beatæ memoriæ abbas Arsenius: Peregrinus monachus in alia provincia habitans, nullis rebus se medium faciat, et quietus erit.
— omis dans cette traduction —
Interrogavit abbas Marcus abbatem Arsenium, dicens: Bonum est non habere aliquam in cella consolationem. Vidi enim quemdam fratrem habentem parvum olus in cella, et eradicabat ea. Et dixit abbas Arsenius: Bonum quidem est, sed secundum exercitationem hominis uniuscujusque agendum est: etiam si non habuerit virtutem hujusmodi tolerare, iterum plantaturus est ea.
— omis dans cette traduction —
Narravit abbas Petrus, qui fuit discipulus abbatis Lot, dicens: Eram aliquando in cella abbatis Agathonis, et venit frater quidam ad eum, dicens: Volo habitare cum fratribus, sed dic mihi quomodo habitem cum eis. Dicit ei senex: Sicut in prima die quando ingrederis ad eos, ita custodi peregrinationem tuam omnibus diebus vitæ tuæ, nec assumas fiduciam. Dicit ei abbas Macarius: Quid enim facit fiducia? Dicit ei senex: Sic est sicut æstus grandis, qui quando exarserit, omnes fugiunt a facie ejus, quia æstus etiam arborum fructus corrumpit. Dixit abbas Macarius: Sic mala fiducia est? Respondit abbas Agathon: Non est pejor altera passio quam fiducia; genitrix est enim omnium passionum. Convenit ergo operatio monacho, non sumere fiduciam, vel si solus sit in cella.
Le pere Pierre qui étoit disciple du pere Loth, racontoit étant un jour en la cellule du pere Agathon qu’un Frere vint à luy, & luy dit ; Je veux demeurer avec des Freres, comment feray-je ? Gouverne-toy toûjours, dit le pere, comme le premier jour, & n’ayes pas d’asseurance, ou confiance. Le pere Machaire dit ; Que fait la confiance ? Elle est, répondit-il, comme le grand chaud, qui brûle tout, & que l’on fuit. Le pere Machaire luy dit : Ainsi la confiance est-elle mauvaise ? Il n’y a dit le pere Agathon, autre pire passion qu’est la confiance, car elle est la mere de toutes les passions : il faut donc que le Moyne ne présume la confiance, quand bien il seroit seul en sa cellule.
Dicebat abbas Daniel: Quia cum moriturus esset abbas Arsenius, delegavit nobis, dicens: Videte ne velitis pro me agapem facere; quoniam si feci ego pro meipso, id invenio.
— omis dans cette traduction —
Dicebant de abbate Agathone quia abierunt quidam ad eum, audientes quia magnæ discretionis vir esset; et volentes eum probare si irasceretur, dicunt ei: Tu es Agatho? Audivimus de te, quia fornicator es, et superbus. Et ille respondit: Etiam sic est. Et dixerunt ei: Tu es Agatho verbosus et detractor? Et respondit: Ego sum. Dicunt ei iterum: Tu es Agatho hæreticus? Et respondit: Non sum hæreticus. Et rogaverunt eum, dicentes: Dic nobis cur tanta dicentibus nobis in injuria tua patienter tuleris; hunc autem sermonem quia diximus, Hæreticus es, non sustinuisti? Et ille respondit, et dixit eis: Illa prima mihi ascribo, utilitas enim animæ meæ est: quod autem dixistis hæreticum me esse, ideo non acquievi, quia separatio est a Deo, et non opto separari a Deo. Illi audientes admirati sunt discretionem ejus, et ædificati discesserunt.
— omis dans cette traduction —
Interrogatus est idem abbas Agatho: Quid est majus, labor corporis, aut custodia interioris hominis? Dicit abbas: Homo similis est arbori; corporalis igitur labor velut folia arboris, custodia autem interioris hominis fructus est. Quoniam ergo, secundum quod scriptum est, Omnis arbor non faciens fructum bonum excidetur, et in ignem mittetur, oportet propter fructum nostrum omnem in nobis sollicitudinem esse, hoc est mentis custodiam. Opus tamen habemus etiam tegumento et ornatu foliorum, quæ sunt labor corporis. Erat autem abbas Agatho sapiens ad intelligendum, et impiger ad laborandum, et sufficiens in omnibus, intentus etiam assidue ad laborem manuum, parcus in cibo atque vestimento.
— omis dans cette traduction —
Idem abbas Agatho cum fuisset conventus pro quadam causa in Scythi, et fuisset causa ipsa ordinata, postea venit, et dicit eis: Non bene ordinastis causam. Illi autem dixerunt ei: Tu quis es, qui vel loquaris? Et ille respondit: Filius hominis; scriptum est enim: Si vere utique justitiam loquimini, justa judicate, filii hominum.
Une assemblée s’étant fait à Scithi, le pere Agathon leur dit, qu’ils n’avoient pas bien ordonné. Qui êtes-vous dirent-ils, qui parlez ? Fils de l’homme répondit-il car il est écrit : Si vous parlez vrayement de la justice, jugez bien, ô fils des hommes !
Dixit abbas Agatho: Iracundus si mortuos suscitet, non placet Deo propter iracundiam suam.
Le Pere Agathon disoit : Quand la colere ressusciteroit un mort, Dieu ne le trouveroit pas bon à cause de cette enragée passion.
Venerunt aliquando tres senes ad abbatem Achillem, et unus ex eis habebat opinionem malam. Dicit autem ei unus de senibus: Abba, fac mihi unam sagenam ad piscandum. Et ille dixit: Non facio. Et alius dixit ei: Fac nobis, ut habeamus memoriam tui in monasterio nostro. Et ille respondit: Non mihi vacat. Dixit ei tertius ille, qui habebat malam opinionem: Mihi fac sagenam, ut habeam de manibus tuis benedictionem, abba. Et ille statim respondit ei: Ego tibi faciam. Dixerunt autem ei secreto duo priores, quibus non acquieverat: Quomodo sic, quia nobis rogantibus noluisti facere, et huic dixisti: Ego tibi faciam? Respondit eis senex: Vobis ideo dixi. Non facio, quia non mihi vacat, et non contristabimini; huic autem si non fecero, dicturus est, quia de opinione mea, quæ mala est, audivit senex, et ideo noluit facere sagenam; et statim incidebamus funem ad sedandum animum ejus, ne tristitia absorberetur hujusmodi.
Trois peres vinrent au pere Achilles, l’un desquels avoit une opinion mauvaise : ils le requirent tous trois de leur faire quelque chose en particulier : il en refusa deux, & contenta celuy qui avoit l’opinion mauvaise, afin d’élever son cœur, & qu’il ne ce consommât pas de tristesse.
Dicebant de quodam sene, quia fecerit quinquaginta annos neque panem comedens, neque facile aquam bibens; et dicebat: Quia exstinxi fornicationem, et avaritiam, et vanam gloriam. Et quia abbas Abraham audierat quod hæc dixisset, venit ad eum, et dixit ei: Tu dixisti hunc sermonem? Et ille respondit: Etiam. Et dixit ei abbas Abraham: Ecce intras in cellam tuam, et invenis supra mattam tuam mulierem, potes non cogitare quia mulier est? Et dixit: Non; sed impugno cogitationem meam, ut non tangam mulierem illam. Dixit abbas Abraham: Ecce igitur non fornicationem interfecisti, quia vivit passio ipsa, sed alligata est. Iterum si ambulas in via, et vides lapides et testas vasorum, et in ipsis jacens aurum, quod videris, potes velut lapides reputare? Et respondit: Non; sed resisto cogitationi meæ ne colligam illa. Et dicit ei abbas Abraham: Ecce ergo vivit passio; sed alligata est. Et dixit iterum abbas Abraham: Si audieris de duobus fratribus, quia unus diligit te et bona de te loquitur, alius autem odit et detrahit tibi, et venerint ad te, utrosque æqualiter suscipis? Et dixit: Non; sed extorqueo animo, ut similiter bene faciam ei qui me odit, sicut illi qui diligit me. Et dixit ei abbas Abraham: Vivunt ergo passiones, sed tantum a sanctis viris quodammodo religantur.
On disoit d’un pere qu’il avoit demeuré cinquante jours sans manger de pain, ny boire eau, & qu’il avoit éteint la paillardise, l’avarice, & la vaine gloire. Le pere Abraham luy dit ; Si entrant en vôtre cellule, vous trouvez une femme, pouvez-vous ne penser pas qu’elle soit femme ? Si vous cheminez, & vous voyez au chemin des pierres & des tets de vaisseaux, & entr’eux de l’or ; pouvez-vous en vôtre esprit estimer l’or comme les pierres ? Si vous entendez de deux freres, que l’un vous aime, & dit bien de vous : l’autre vous haït & vous blâme, ils viennent à vous, les recevrez-vous tous deux également ; Il répondit ; Je résiste à ma pensée pour ne toucher pas à la femme pour ne recueillir pas l’or ; & je m’éforce de faire aussi bien à celuy qui me haït, qu’à celuy qui m’aime. Le pere Abraham sur celuy dit ; Les passions vivent là doncques en vous, mais elles sont souvent retenuës, & par une certaine maniere, liées des saints personnages.
Narravit quidam Patrum quia senex aliquis erat in cella studiose laborans, et vestiebatur matta: qui cum perrexisset ad abbatem Ammonam, vidit eum abbas Ammonas utentem matta, et dixit ei: Hoc tibi nihil prodest. Et dixit ei ille senex: Tres cogitationes mihi molestæ sunt: una, quæ me compellit ut alicubi in eremo recedam; alia, ut peregrina petam, ubi me nemo cognoscat; tertia, ut includam me in cella, ut nullum videam, et post biduum comedam. Dicit ei abbas Ammonas: Nihil tibi ex his tribus expedit facere, sed magis sede in cella tua, et comede parum quotidie, habens semper in corde tuo publicani illius qui in Evangelio legitur sermonem, et ita poteris salvus esse.
Un pere de vie fort austere vint au pere Ammonas & luy dit, Je suis molesté de trois pensées ; l’une me contraint de me retirer quelque part au desert ; l’autre de m’en aller en païs étranger, où personne ne me conoisse ; la troisiéme, de m’enfermer en la cellule, où je ne voye personne & , & je ne mange que de deux en deux jours. Vous ne devez faire, dit le pere Amonas, aucune de ces trois choses, mais plûtôt arrétez vous en vôtre cellule, & mangez un peu tous les jours, ayant toûjours en vôtre cœur la parole de ce Publicain en l’Evangile par ce moyen vous pouvez être sauvé.
Dicebat abbas Daniel: Quia quantum corpus viruerit, tantum anima exsiccatur; et quantum siccatum fuerit corpus, anima tantum virescit. Dixit iterum abbas Daniel: Quia quantum corpus fovetur, tantum anima subtiliatur, et quantum fuerit corpus subtiliatum, tantum anima fovetur.
Le pere Daniel disoit, Tant plus que le corps est vigoureux, tant plus l’ame se desseche, & plus le corps est desseché, plus l’ame est vigoureuse & florissante.
Narravit iterum abbas Daniel, quia quando erat in Scythi abbas Arsenius, erat ibi monachus quidam rapiens ea quæ habebant senes: abbas autem Arsenius volens eum lucrari, et senibus quietem præstare, tulit eum in cellam suam, et dicit ei: Quidquid vis ego tibi dabo, tantum non rapias; et dedit ei aurum, et nummos, et rescellas, et, omne quod in responso suo habebat, dedit ei. Ille autem iterum rapiebat. Senes vero videntes quia non quievit, expulerunt eum, dicentes: Quia si invenitur frater habens de infirmitate corporis aliquid, oportet sustinere eum; si autem furatus et admonitus non quiescit, expellite eum: quoniam animæ suæ detrimentum facit, et omnes in eo loco habitantes conturbat.
— omis dans cette traduction —
Venit in initio conversationis suæ abbas Evagrius ad quemdam senem, et dixit: Dic mihi, abba, sermonem quo salvus fiam. Ille autem dixit ei: Si vis salvari, quando ad aliquem vadis, non prius loquaris antequam te ille inquirat. Evagrius autem compunctus in hoc sermone, pœnitentiam egit in conspectu senis, et satisfecit ei, dicens: Crede mihi, multos Codices legi, et talem eruditionem nunquam inveni. Et multum proficiens exiit.
Le Pere Evagrius au commmencement de sa conversion s’en alla à un pere, & luy dit : Dites moy Pere, comment je seray sauvé ; Si tu veux être sauvé, luy répondit-il, quand tu vas vers quelqu’un, ne parles pas devant qu’il t’enquierere. Evagrius touché de ces paroles, fit penitence devant le Pere, & dit : Croyez moy, Pere, j’ay lû beaucoup de livres, & n’ay jamais trouvé une telle instruction, & il s’en alla, avec grand profit.
Dixit abbas Evagrius: Mentem nutantem vel errantem solidat lectio, et vigiliæ, et oratio: concupiscentiam vero ferventem madefacit esuries et labor et sollicitudo: iracundiam autem perturbatam reprimit psalmodia, et longanimitas, et misericordia, sed hæc opportunis temporibus, et mensura adhibita; si autem inopportune vel sine mensura fiunt, ad parvum tempus proficiunt; quæ autem parvi temporis sunt, noxia magis quam utilia erunt.
— omis dans cette traduction —
Transeunte aliquando abbate Ephræm, una prostituta ex immissione cujusdam cœpit ei blandiri, cupiens eum, si posset, ad turpem commistionem illicere: vel si hoc non posset, saltem ad iracundiam provocaret, quoniam nunquam eum vidit quisquam irascentem vel litigantem. Ipse autem dixit ad eam: Sequere me. Cum venissent autem in loco populoso, dicit ei: Veni huc, et sicut voluisti, commisceor tecum. Illa autem videns multitudinem, dicit ei: Quomodo possumus hæc hoc facere, tanta multitudine hic astante? confundemur enim. Ipse autem ait: Si homines erubescis, quanto magis erubescere debemus Deum, qui revelat occulta tenebrarum? Illa autem confusa et confutata recessit absque opere voluptatis suæ.
Un jour le pere Effrem passant, une débauchée incitée par quelqu’un commença à le flater pour l’atirer à la luxure, ou au moins pour le provoquer à la colere, pource que jamais on ne l’avoit vû en colere ny debattre. Il luy dit, Suivez-moy ; & quand il fut en lieu plein de peuple, il dit : C’est icy que nous nous réjoüirons ensemble ; Elle eut honte, à cause de la multitude qu’elle voyoit, & le bon homme luy dit : Si vous avez honte des hommes à plus forte raison la pouvez-vous avoir de Dieu, qui connoit & voit toutes choses, tant cachées soient elles, & elle se retira toute confuse.
Venerunt aliquando ad abbatem Zenonem quidam fratres, et interrogaverunt eum, dicentes: Quid est quod scriptum est in libro Job: Nec cœlum mundum esse in conspectu Dei? Respondit autem senex dicens: Reliquerunt homines peccata sua, et cœlestia scrutantur. Hæc autem est interpretatio sermonis, quem requisistis, ut quoniam Deus solus est mundus, dictum sit nec cœlum mundum esse in conspectu ejus.
Quelques Freres vinrent au pere Zenon, & luy demandérent ; Qu’est-ce qui est écrit au livre de Job, que le Ciel même n’est pas net devant Dieu ? Le bon homme répondit ; Les Freres ont laissé leurs pechez, & sont curieux des choses celestes. Voila l’interprétation de la parole que vous avez proposée ; car pource que Dieu seul est pur & net ; il est dit que le Ciel mêmes ne l’est pas devant Dieu.
Dixit abbas Theodorus de Pherme: Si habes amicitias cum aliquo, et contigerit eum in tentationem fornicationis incurrere; si potes, da ei manum, et retrahe illum sursum: si autem in errore aliquo fidei incurrerit, nec tibi acquiescit, revertere cito, incide amicitias ejus abs te, ne forte remorans traharis cum eo in profundum.
Le Pere Theodore de Fitme, disoit ; Si tu as amitié avec quelqu’un, & luy avint de tomber en tatention de paillardise, si tu peux donne luy la main, & le releve ; mais s’il tombe en quelqu’erreur de la Foy, & il n’acquiesce pas de retourner bien-tôt, romps l’amitié, de peur que si tu tardes à faire, tu ne sois attiré avec luy au gouffre d’erreur.
Venit aliquando memoratus abbas Theodorus ad abbatem Joannem, qui erat eunuchus ex nativitate. Et cum loquerentur, dixit abbas Theodorus: Quando eram in Scythi, opus animæ erat opus nostrum, opus autem manuum tanquam in transitu habebamus; nunc autem factum est opus animæ, velut cum in transitu factum est opus.
— omis dans cette traduction —
Venit aliquando quidam Patrum ad eumdem abbatem Theodorum, et dixit ei: Ecce quidam frater reversus est ad sæculum. Et dixit ei abbas Theodorus: In hoc non admireris; si quando audieris quia prævaluit quis effugere de ore inimici, hoc admirare.
— omis dans cette traduction —
Dixit memoratus abbas Theodorus: Multi eligunt in hoc sæculo temporalem quietem, antequam præstet eis Dominus requiem.
— omis dans cette traduction —
Dicebant de abbate Joanne statura brevi, quia dixerit aliquando fratri suo majori: Volebam esse securus sicut angeli sunt securi, nihil operantes, sed sine intermissione servientes Deo; et spolians se quo vestitus erat, abiit in eremo. Et facta ibi hebdomada una, reversus est ad fratrem suum; et dum pulsaret ostium, respondit ei antequam aperiret, dicens: Quis es tu? Et ille dixit: Ego sum Joannes. Et respondit frater ejus, et dixit ei: Joannes angelus factus est, et ultra inter homines non est. Ille autem pulsabat dicens: Ego sum. Et non aperuit ei, sed dimisit eum affligi. Postea vero aperiens dixit ei: Si homo es, opus habes iterum operari, ut vivas; si autem angelus es, quid quæris intrare in cellam. Et ille pœnitentiam agens, dixit: Ignosce mihi, frater, quia peccavi.
On disoit du pere Jean de petite stature, qu’il a dit quelquefois à son frere aîné ; Je veux être en repos comme sont les Anges, qui ne font rien, mais qui loüent & benissent Dieu sans cesse. Et incontinent dépoüillant ses vétemens, il s’en alla au desert, & y ayant passé une semaine, il s’en retourna à son frere, & frappa à la porte, le frere luy demanda ; Qui est là, il luy répondit, je suis Jean. Le frere répondit, Jean est devenu Ange, & n’est plus entre les hommes ; & ainsi il le laissa dehors jusques au matin. Et puis ouvrant, il luy dit ; Si vous êtes hommes, il vous faut derechef travailler, afin que vous viviez ; mais si vous êtes Ange, pourquoy voulez-vous entrer icy ? Et faisant penitence, il dit ; pardonnez-moy, frere, car j’ay peché.
Venerunt aliquando senes in Scythi, et erat cum eis abbas Joannes Nanus; et dum comederent, surrexit quidam presbyter vir magnus, ut daret per singulos vasculum aquæ parvum ad bibendum; et nemo acquievit accipere ab eo, nisi solus Joannes Brevis. Admirati sunt autem cæteri, et dixerunt ei: Quomodo tu cum sis omnium minor, præsumpsisti ministerio uti viri senis et magni? Et dicit eis: Ego quando surgo dare aquam, gaudeo si omnes biberint, ut mercedem acquiram; nunc igitur propterea ego suscepi, ut faciam ei qui surrexit invenire mercedem, ne forte etiam contristetur nullo sumente ab eo. Hæc cum dixisset, admirati sunt omnes de discretione ejus.
— omis dans cette traduction —
Interrogavit aliquando abbas Pastor abbatem Joseph, dicens: Quid faciam, quando approximant mihi aliquæ tentationes; resisto illis, an permitto intrare? Dicit ei senex: Dimitte intrare, et pugna cum eis. Revertens ergo in Scythi sedebat; et contigit ut veniens quidam a Thebaida in Scythi narraret fratribus, se interrogasse abbatem Joseph: Quando approximat mihi tentatio, resisto ei, an dimitto intrare? et dixerit ei: Omnino non dimittas tentationem in te, sed cito abscinde eam. Audiens autem abbas Pastor, quia sic dixerit huic, qui venerat a Thebaida, abbas Joseph surgens iterum abiit in Panepho ad abbatem Joseph, et dicit ei: Abba, ego tibi commisi cogitationes meas, et tu aliter dixisti mihi, aliter autem fratri de Thebaida. Et dicit ei senex: Scis quia diligo te? Et respondit: Etiam. Nonne tu mihi dixisti, ut sicut mihi ipsi, ita tibi dicerem quod sentirem? Etenim si intraverint tentationes, et dederis atque acceperis cum eis, probatiorem te faciunt; ego autem velut mihi ipsi sic tibi locutus sum: sunt autem aliqui quibus nec approximare expedit passiones, sed statim debent abscindere eas.
— omis dans cette traduction —
Item dixit abbas Pastor: Veni aliquando in Heracleo inferiore ad abbatem Joseph, et habebat in monasterio suo arborem sycomorum pulchram nimis; et dicebat mihi a mane: Vade, et collige tibi, et manduca. Erat autem sexta feria. Ego autem non comedi propter jejunium; et rogavi eum dicens: Dic mihi propter Dominum rationem hujus rei, quia dicebas mihi: Vade, manduca. Ego quidem propter jejunium non abii, sed erubescebam, quia mandatum tuum non feceram, cogitans quia sine ratione mihi hæc non præceperas. Ille autem respondit: Patres seniores non loquuntur ab initio fratribus recta, sed magis distorta; et si viderint quia ea quæ torta sunt faciunt, jam eis non loquuntur nisi quæ expediunt, agnoscentes quoniam in omnibus obedientes sunt.
Le Pere Pasteur, disoit ; J’allai une fois au bas d’Heraclée au pere Joseph, qui avoit en son Monastere un bel arbre chargé de fruits, & il luy dit ; De matin, allez éveillez-vous & mangez. Comment, répondit-il, il est aujourd’hui jeûne, pourquoi me dites vous cela ? Les peres, répondit-il, ne disent pas aux Freres du commencement les choses droit, mais plûtôt au contraire ; & s’ils voyent qu’ils fassent ce qui est mauvais, ils ne leur disent plus, sinon ce qui leur est expedient en connoissant qu’ils sont obeïssans en toute chose.
Frater interrogavit abbatem Joseph, dicens: Quid faciam, quia nec molestiam ferre possum, nec laborare, et dare eleemosynam? Et dicit ei senex: Si non potes horum nihil facere, vel serva conscientiam tuam ab omni malo proximi tui, et ita salvus eris; Deus autem animam sine peccato quærit.
— omis dans cette traduction —
Dixit abbas Isaac Thebæus fratribus suis: Pueros hic non adducatis, quia propter pueros in Scythi quatuor ecclesiæ eremus factæ sunt.
— omis dans cette traduction —
Interrogavit abbas Longinus abbatem Lucium, dicens: Habeo tres cogitationes: unam ut ad peregrinationem vadam. Et respondit ei senex: Si non tenueris linguam tuam ubicunque perrexeris, non eris peregrinus. Sed refrena hic linguam tuam, et eris etiam hic peregrinus. Et dixit ei abbas Longinus: Alia cogitatio mea est, ut jejunem biduanas levando. Et respondit ei abbas Lucius: Isaias propheta dixit: Si curvaveris velut circulum cervicem tuam, nec sic erit acceptum jejunium tuum; sed magis contine mentem tuam a cogitationibus malis. Et dixit abbas Longinus: Tertium est dispositum meum, ut declinem hominum aspectus. Et respondit ei abbas Lucius: Nisi prius correxeris vitam tuam inter alios conversando, neque solus habitans corrigere te prævalebis.
— omis dans cette traduction —
Dixit abbas Macarius: Si recordamur mala quæ inferuntur nobis ab hominibus, amputamus menti nostræ virtutem recordandi Deum; si autem recordamur malorum quæ dæmones excitant, erimus imperforabiles.
— omis dans cette traduction —
Dixit abbas Mathois: Nescit Satanas qua passione seducatur anima, et ideo seminat quidem in ea ziziniam suam, sed metere nescit: spargit aliquando semina fornicationum, aliquando detractionum, et cæterarum similiter passionum; et in qua passione viderit animam declinantem, hanc ei ministrat: nam si sciret ad quid proclivis est anima, non ei diversa vel varia seminaret.
— omis dans cette traduction —
Narraverunt de abbate Nathyra, qui fuit discipulus abbatis Silvani, quia cum sederet in cella sua in monte Sina, mediocriter gubernavit vitam suam de his quæ erant necessaria corpori. Quando autem factus est episcopus in Pharan, multum coartabat animam suam in duritia continentiæ. Et dicit ei discipulus suus: Abba, quando eramus in eremo non te ita cruciabas. Et dicit ei senex: Fili, illic solitudo erat, et quies, et paupertas, propterea volebam gubernare corpus meum, ne infirmarer, et quærerem quod non habebam: nunc autem hic sæculum est, et occasiones sunt excedendi plurimæ; et si in infirmitatem incurrero, sunt hic qui succurrant, ne propositum monachi perdam.
— omis dans cette traduction —
Frater interrogavit abbatem Pastorem, dicens: Perturbatio mihi fit, et volo derelinquere locum istum. Et dicit ei senex: Pro qua causa? Et ille dixit: Quia audio verba de quodam fratre, quæ me non ædificant. Et dicit ei senex: Non sunt vera quæ audisti? Et dixit ei: Etiam, Pater, vera sunt: nam frater qui dixit mihi, fidelis est. Et respondens dixit: Non est fidelis qui tibi dixit; nam si esset fidelis, nequaquam diceret tibi talia: Deus autem audiens vocem Sodomorum, non credidit, nisi descenderet et videret oculis suis. Et ille dixit: Et ego vidi oculis meis. Hæc audiens senex, respexit in terram, et tenuit parvam festucam, et dicit ei: Quid est hoc? Et ille respondit: Festuca est. Iterum intendit senex ad tectum cellæ, et dicit ei: Quid est hoc? Et ille respondit: Trabes est, quæ portat tectum. Et dixit ei senex: Pone in corde tuo quia peccata tua sic sunt sicut trabes hæc; illius autem fratris de quo loqueris, velut hæc parva festuca. Audiens autem abbas Sisois hunc sermonem, admiratus est, et dixit: In quo te beatum faciam, abbas Pastor? Verumtamen velut pretiosus lapis, ita verba tua gratia et gloria plena sunt.
Un frere voulut laisser le lieu où il étoit à cause du peché d’un autre frere, & le pere Pasteur luy dit : Tu vois le fétu en l’œil de ton frere, & tu ne vois pas la poutre qui est au tien.
Venerunt aliquando presbyteri regionis illius ad monasteria vicina, in quibus etiam erat et abbas Pastor; et intravit abbas Anub, et dixit ei: Rogemus presbyteros istos hodie accipere hic in charitate dona Dei. Ille autem stans diu non dedit ei responsum; abbas vero Anub contristatus exiit. Dixerunt autem abbati Pastori, qui juxta eum sedebant: Quare non dedisti ei responsum? Et dicit eis abbas Pastor: Ego causam non habeo; jam enim mortuus sum. Mortuus enim non loquitur; non igitur reputetis me, quia hic vobiscum sum.
— omis dans cette traduction —
Abiit quidam frater aliquando de monasterio abbatis Pastoris in peregre, et applicuit ad quemdam solitarium; erat enim ille habens cum omnibus charitatem, et multi veniebant ad eum. Nuntiavit autem ei frater ille quædam de abbate Pastore: qui audiens virtutem animi ejus, desideravit eum videre. Cum reversus autem fuisset frater ille in Ægypto, post aliquantum tempus surgens supradictus solitarius, venit ut peregrinus in Ægyptum ad eumdem fratrem, qui prius applicuerat apud ipsum, dixerat enim ei ubi maneret. Videns autem ille, miratus est et valde gavisus. Dixit autem ei ille solitarius: Ostende charitatem quam habes in me, et duc me ad abbatem Pastorem. Et tollens eum, duxit ad senem, et nuntiavit ei de eo, dicens: Quidam magnus homo, et multam charitatem habens, et honorem plurimum in provincia sua, venit desiderans videre te. Suscepit ergo eum cum gratulatione senex, et salutantes se invicem resederunt. Cœpit autem loqui peregrinus ille frater de Scripturis sanctis, et de rebus spiritualibus atque cœlestibus; abbas autem Pastor avertit faciem suam, et non dedit ei responsum. Videns autem ille quia non loqueretur ei, contristatus exiit, et dicit fratri illi qui eum adduxerat: In vanum iter istud assumpsi; veni ad senem, et ecce nec loqui mecum dignatur. Intravit autem frater ad abbatem Pastorem, et dicit ei: Abba, propter te venit magnus hic vir, habens tantam gloriam in loco suo, quare non locutus es cum eo? Respondit ei senex: Iste de sursum est, et de cœlestibus loquitur; ergo autem de deorsum sum, et de terrenis loquor; si ergo mihi locutus fuisset de passionibus animæ, ego utique responderem ei; si autem de spiritualibus, ego hæc ignoro. Exiens ergo frater dixit illi: Quia senex non cito de Scripturis loquitur, sed si quis ei loquitur de passionibus animæ, respondet ei. Ille autem compunctus intravit ad senem, et dixit ei: Quid faciam, abba, quia passiones animæ dominantur mei? Et intuens eum senex gaudens, dixit ei: Modo bene venisti; nunc aperiam os meum de his, et implebo illud bonis. Ille autem valde ædificatus dicebat: Vere hæc est via charitatis. Et gratias agens Deo, quia tam sanctum virum videre meruit, reversus est in regionem suam.
Un Hermite alla en Egypte voir le pere Pasteur, qui luy fit bon acceüil : & parlant des saintes Ecritures & des choses spirituelles, & voyans qu’il ne répondoit point, comme étant dédaigné, il sortit. Un Frere qui l’avoit mené là dit, au pere, que celuy là étoit grand personnage, & fort honoré en son lieu, & pourquoy il n’avoit pas parlé à luy. Il est d’enhaut, répondit-il, & parle des choses celestes : mais quant à moy je suis d’embas, & parle des choses terrestres : s’il m’eût parlé des passions de l’ame, je luy eusse répondu. Le frere alla rapporter ces propos à l’Hermite, & entrant il luy dit : Que feray-je, Pere, de ce que je suis dominé des passions de l’ame ; Le bon homme luy dit : Maintenant soyez le bien venu, & étant fort édifié il luy dit ; Veritablement c’est la voix de charité ; & remerciant Dieu, il s’en retourna en son païs.
Frater interrogavit abbatem Pastorem, dicens: Feci peccatum grande, et volo triennio pœnitere. Dixit autem ei abbas Pastor: Multum est. Et dixit ei frater: Jubes annum unum? Et dixit iterum senex: Multum est. Qui autem præsentes erant dicebant: Usque ad quadraginta dies? Senex iterum dixit: Multum est. Et adjecit dicens: Ego puto, quia si ex toto corde homo pænituerit, et non apposuerit facere iterum unde pœnitentiam agat, etiam triduanam pœnitentiam suscipiat Deus.
Un Frere luy demanda : J’ay commis un grand peché, je veux faire penitence, trois ans. J’estime dit le pere que si l’homme de tout son cœur, fait penitence trois jours seulement, Dieu la recevra & luy pardonnera son peché.
Interrogavit eum abbas Ammon de immundis cogitationibus, quas cor hominis generat; et de vanis desideriis. Et dixit ei abbas Pastor: Nunquid gloriabitur securis sine eo qui incidit cum ipsa? Et tu ergo non eis porrigas manus, et otiosæ erunt.
Le pere Pasteur disoit au pere Ammon touchant les pensées immondes : La coignée se glorifiera-elle, sans celuy qui la mene ? Ne leur prétez donc pas la main, & elles ne serviront de rien.
Interrogavit eumdem sermonem abbas Isaias. Dicit abbas Pastor: Sicut capsa plena vestibus, si dimissa fuerit tempore longo, putrefiunt vestes in ea, ita sunt et cogitationes in corde nostro; si non fecerimus ea corporaliter, tempore longo exterminabuntur et putrefient.
— omis dans cette traduction —
Interrogavit abbas Joseph de eadem re; et dixit abbas Pastor: Sicut quis claudens serpentem vel scorpionem in vase, et obturat eum, procedente tempore omnino moritur; ita malignæ cogitationes, quæ studio dæmonum pullulant, patientia ejus cui immittuntur paulatim deficiunt.
— omis dans cette traduction —
Interrogavit abbas Joseph abbatem Pastorem, dicens: Quomodo opus est jejunare? Et dixit abbas Pastor: Ego volo ut quotidie manducans subinde paululum subtrahat sibi, ne satietur. Dicit ei abbas Joseph: Ergo quando eras juvenis, non jejunabas biduanas levando? Et dixit ei senex: Crede mihi, quia et triduanas, et hebdomadam; sed et hæc omnia probaverunt senes magni; et invenerunt quia bonum est quotidie manducare, per singulos dies parum minus; et ostenderunt nobis viam hanc regalem, quia levior est et facilis.
Le pere Joseph luy demanda : Comment faut-il jeûner ? Le pere dit, en retrenchant tous les jours un peu de ce que l’on mange d’ordinaire : Les peres nous ont montré cette royale voye qui est facile.
Dixit abbas Pastor: Non habites in loco ubi vides aliquos habentes adversum te zelum, quia ibi non proficies.
Il disoit aussi : N’habites pas en un lieu, où tu voye aucun qui te porte envie, car tu n’y profiteras pas.
Frater venit ad abbatem Pastorem, et dicit ei: Semino agrum meum, et facio ex ipso agapem. Dicit ei senex: Bonum opus facis. Et discessit cum proposito animi, et adjiciebat ad agapem quam faciebat. Hoc autem audiens abbas Anub, dixit abbati Pastori: Non times Deum, quia sic locutus es fratri illi? Et tacuit senex. Post duos autem dies misit abbas Pastor ad fratrem illum, et vocavit eum ad se, et dixit ei, audiente abbate Anub: Quid me interrogasti illa die? quia mens mea alibi erat. Et dixit ei frater: Hoc dixi, quia semino agrum meum, et de hoc quod colligo, ex ipso facio agapem. Et dixit ei abbas Pastor: Putavi quia de fratre tuo illo, qui laicus est, diceres; si autem tu facis hæc, non est opus monachi. Ille autem contristatus est audiens, et dixit: Aliud opus non facio nec scio, nisi hoc; et non possum seminare agrum meum? Cum autem discessisset, cœpit abbas Anub pœnitentiam agere apud abbatem Pastorem, dicens: Ignosce mihi. Dixit ei abbas Pastor: Ecce ab initio sciebam, quia non est opus monachi, sed secundum animum ejus locutus sum ei, et excitavi animum ejus ad profectum charitatis; nunc autem abiit tristis, et tamen istud opus facit.
— omis dans cette traduction —
Frater quidam interrogavit abbatem Pastorem, dicens: Quid est illud quod scriptum est: Qui irascitur fratri suo sine causa? Et ille respondit: Ex omni re qua te gravare voluerit frater tuus, si irasceris adversus eum, donec oculum tuum dexterum ejicias, et a te projicias, sine causa irasceris ei; si autem aliquis voluerit te separare a Deo, pro hoc irascere.
Un Frere luy demanda : Que veut dire ce qui est écrit : Qui se courouce contre son frere sans cause : De toute chose, répondit-il, que ton frere te fera, si tu te courouce contre luy, jusques à ce qu’il t’arrache l’œil, sans cause tu te courouces. Mais si quelqu’un te veut separer de Dieu, en ce cas, tu peux bien te courroucer contre luy.
Dixit abbas Pastor: Si peccaverit homo et non negaverit, dicens, Peccavi; non increpes eum, quia frangis propositum animi ejus. Si autem dixeris: Non contristeris, frater, sed observa de cætero, excitas animum ejus ad pœnitentiam.
Le pere Pasteur disoit : Si l’homme a peché, & il le nie, ne les tances point, pource que tu romps la proposition de son ame : mais si tu dis ne te fâches point frere, & regarde à toy à l’avenir, tu excites son ame à penitence.
Dixit iterum qui supra: Bonum est experimentum. Experimento enim homines probatiores sunt.
— omis dans cette traduction —
Item dixit qui supra: Si quis docet aliquid et non facit quod docet, similis est puteo qui omnes ad se venientes satiat et delet sordes, seipsum autem purgare non potest; sed omnis spurcitia et immunditia in eo est.
Le pere Pasteur disoit : Si quelqu’un enseigne les autres, & ne fait pas ce qu’il enseigne, il ressemble au puits, lequel contente tous ceux qui viennent à luy, & efface les ordures : mais il ne se peut purger soy-même.
Dixit iterum ipse: Est homo qui seipsum agnoscit. Dixit iterum: Quia est homo qui videtur ore tacere, cor autem ejus condemnat alios; hic ergo sine cessatione loquitur. Est et alius a mane usque ad vesperam loquens, et taciturnitatem tenet; hoc autem ideo dixit, quia nunquam sine audientium utilitate locutus est.
— omis dans cette traduction —
Iterum dixit: Quia si sunt tres in unum, ex quibus unus bene quiescat, alius infirmetur et gratias agat, tertius vero ministret eis ex sincera voluntate, hi tres similes sunt, velut etiam si unius sint operis.
— omis dans cette traduction —
Iterum dixit: Malitia nequaquam expellit malitiam; sed si quis tibi male facit, tu bene fac ei, ut per bonum opus tuum destruas malitiam ipsius.
— omis dans cette traduction —
Dixit iterum: Qui querulosus est, monachus non est; qui malum pro malo reddit, monachus non est; qui iracundus est, monachus non est.
— omis dans cette traduction —
Frater venit ad abbatem Pastorem, et dicit ei: Multæ cogitationes veniunt in anima mea, et periclitor in eis. Et ejecit eum senex sub aere nudo, et dicit ei: Expande sinum tuum et apprehende ventum. Et ille respondit: Non possum hoc facere. Et dicit ei senex: Si hoc non potes facere, nec cogitationes prohibere potes ne introeant, sed tuum est eis resistere.
Un frere vint au pere Pasteur, disant : J’ay plusieurs pensées en mon ame, ausquelles je suis en danger, & le bon homme luy dit : Epanche ton sein, & prens les vents. Il répondit, je ne puis faire cela. Le Pere luy dit : Mon fils si tu ne peux, tu ne peux aussi empêcher les pensées d’entrer en ton ame : mais c’est à toy d’y resister.
Frater quidam interrogavit eum dicens: Dimissa est mihi omnis hæreditas, quid facio ex ea? Et dicit ei abbas Pastor: Vade, et post tres dies veni, et dico tibi. Venit autem sicut præfinivit, et dicit ei senex: Quid tibi habeo dicere, frater? Si dixero, Da eam in ecclesiam, clerici sibi facient convivia ex ea; si autem dixero, Da eam parentibus tuis, non est tibi merces; si vero dicam, Da pauperibus, securus eris. Quidquid ergo vis, vade, fac, ego causas non habeo.
Un frere luy demanda : On m’a laissé un heritage, qu’en feray-je ? Le pere luy dit : Si je te dis que tu le bailles à l’Eglise, les Prêtres en feront bonne chere : si à tes parens, ce n’est pas ta récompence : si aux pauvres, tu seras en repos : fais en ce que tu voudras, ce n’est pas mon affaire.
Dixit iterum abbas Pastor: Si venerit tibi cogitatio de rebus corpori necessariis, et delegaveris semel; et iterum venerit, et delegaveris, quid fiat? jam tertio si venerit, non intendas ei, otiosa est enim.
— omis dans cette traduction —
Frater quidam dixit abbati Pastori: Si video rem aliquam, vis ut dicam illam? Dicit ei senex: Scriptum est: Qui responderit verbum antequam audiat, stultitia ei et opprobrium est. Si ergo interrogatus fueris, dic; sin alias, tace.
Un frere dit au pere Pasteur : Si je vois quelque chose voulez vous que je parle. Le pere luy dit : Il est écrit ; Qui répondra un mot devant que d’oüir, c’est folie & opprobre. Si donc tu és interrogé parle ; autrement tais-toy.
Dixit iterum abbas Pastor, quia dixerat abbas Ammon: Est homo qui portat toto tempore vitæ suæ securim, et non potest dejicere arborem; est autem alter habens usum incidendi, et in paucis plagis dejicit arborem. Dicebat autem securim discretionem esse.
— omis dans cette traduction —
Iterum dixit: Voluntas hominis murus est æreus, et lapis percutiens inter ipsum et Deum. Si ergo reliquerit hæc, dic ei et ipse, quod in psalmo scriptum est: In Deo meo transgrediar murum; et: Deus meus, impolluta via ejus. Si enim justitia subvenerit voluntati, laborat homo.
— omis dans cette traduction —
Frater interrogavit abbatem Pastorem, dicens: Damnum animæ meæ patior, quod sum cum abbate meo. Quid ergo jubes? Maneo adhuc apud ipsum? Et sciebat abbas Pastor, quia læderetur anima ejus per abbatem suum, et admirabatur quare vel interrogabat eum, si manere deberet cum illo. Et dixit ei: Si vis, esto. Et discedens, mansit apud eum. Venit autem iterum dicens abbati Pastori: Gravo animam meam. Et non dixit ei abbas Pastor: Discede ab eo. Venit tertio, et dixit: Crede mihi, jam non ero cum eo. Et dicit ei senex: Ecce modo salvatus es, vade, et non sis ultra cum eo. Dixit enim abbas Pastor eidem: Homo qui vidit damnum pati animam suam, non opus habet interrogare. Etenim de occultis cogitationibus interrogat quis, ut seniores probare possint; de manifestis autem peccatis est opus interrogare, sed statim abscindere.
— omis dans cette traduction —
Interrogavit abbas Abraham, qui erat abbatis Agathonis discipulus, abbatem Pastorem, dicens: Quare me sic dæmones impugnant? Et dicit ei abbas Pastor: Te impugnant dæmones? Non pugnant nobiscum dæmones, quando voluntates nostras facimus; quia voluntates nostræ dæmones factæ sunt, et hæ sunt quæ tribulant nos ut faciamus eas. Si autem vis scire quales sunt cum quibus dæmones pugnant; cum Moyse et similibus ejus.
Abraham qui étoit disciple du pere Agathon, luy demanda : pourquoy est-ce que les diables me font ainsi la guerre ? Il répondit : Les diables te combattent, ils ne combattent pas avec nous. Quand nous faisons nos volontez, elles sont faites diables, & sont elles qui nous affligent, afin que nous le fassions. Mais si tu veux sçavoir quels sont ceux avec lesquels les diables combattent avec le Pere Moyse, & ses semblables.
Dixit abbas Pastor, quia frater quidam interrogaverit abbatem Moysem, dicens: Qualis homo mortificat se? homo a proximo suo? Et respondit ei: Nisi posuerit homo in corde suo quia triennium habet in sepultura, non attingit ad hoc verbum.
— omis dans cette traduction —
Frater interrogavit abbatem Pastorem, dicens: Quomodo oportet monachum sedere in cella? Et dixit ei senex: Sedere in cella, quantum ad id quod in manifesto est, hoc est, ut faciat opus manuum, et semel comedat, et taceat, et meditetur; occulte enim proficere in cella, hoc est, ut portet unusquisque opprobrium suum in omni loco quocunque perrexerit, et ut ministerii horas custodiat, et de occultis non negligat. Si autem contigerit tempus ut vacet ab opere manuum, intret ad ministerium operis Dei, et id sine aliqua perturbatione consummet. Finis autem horum est ut comitatum simul conversantium bonorum teneas, et revoceris a malorum comitatu.
— omis dans cette traduction —
Venerunt aliquando duo fratres ad abbatem Pampo, et interrogavit unus ex eis, dicens: Abba, ego biduo jejuno, et duos paximates manduco; putas salvo animam meam, an seducor? Et alter dixit: Ego colligo de opere manuum mearum duas siliquas diurnas, et parum ex eis retineo ad victum, aliud autem expendo in eleemosynam: putas salvus ero, an seducor? Et cum plurimum rogarent eum, ille non respondebat eis. Post quatuor autem dies cum discessuri essent, rogabant eos clerici, dicentes: Nolite tristari, fratres, Deus vobis præstabit mercedem; sic est enim consuetudo hujus senis, non cito loquitur, nisi Deus ei dederit quod dicat. Intraverunt ergo ad senem, et dixerunt ei: Abba, ora pro nobis. Et ille dixit eis: Ambulare vultis? Et dixerunt: Etiam. Et intuens eos, in semetipso accipiens opera eorum, scribebat in terram, et dicebat: Pambo biduo jejunat, et duos paximates manducat; putas in hoc est monachus? Non. Iterum dicebat: Et Pambo laborat in die duas siliquas, et dat eas in eleemosynam; putas in hoc est monachus? Necdum. Et paululum reticens, dixit ad eos: Bonum quidem operaris, sed si custodias conscientiam tuam cum proximo tuo, ita salvaberis. In his ergo sic ædificati fratres, cum gaudio discesserunt.
Deux Freres vinrent un jour au pere Pambo, & l’un d’eux dit, pere je jeûne deux jours & je mange peu : pensez vous que je sauve mon ame, où si je suis seduit ? & l’autre dit : J’amasse de l’œuvre de mes mains deux gerbes par jour, & j’en retiens une pour vivre, j’employe l’autre à faire des aumônes, pensez vous que je seray sauvé ? & l’ayant fort prié, il ne répondit rien. Quatre jours aprés, étans prêts de partir, les freres leur dirent : Ne vous fâchez point, la coûtume est telle de ce Pere qu’il ne parle pas incontinent, si Dieu ne luy suggere ce qu’il doit dire. Il leur dit donc : Voulez-vous vous mettre en chemin ? Ils dirent, oüi, Et les regardant en soy-même, il écrivoit en terre, & disoit : Pambo jeûne deux jours & mange peu, pensez-vous qu’en cela il soit Moine ? Non derechef il disoit : Pambo travaille le jour pour deux siliques, & les donne en aumône, pensez-vous qu’en cela il soit Moine ? Non. Et se taisant un peu, il leur dit : Il est bon de travailler, mais si tu garde ta conscience avec ton prochain, tu seras sauvé. Les Freres donc édifiez de ces paroles s’en retournerent joyeux.
Frater quidam interrogavit abbatem Pambo, dicens; Quare me prohibent spiritus quidam facere non bona proximis? Dixit ei senex: Non sic loquaris, alioquin Deum mendacem facies; sed dic magis: Omnino misericordiam facere nolo. Præveniens enim Deus dixit: Dedi vobis potestatem calcandi super scorpiones et serpentes, et super omnem virtutem inimici, cur ergo tu immundos spiritus non conculcas?
Un frere demanda au pere Pambo : pourquoy l’esprit m’empêche-il de faire quelque bien au prochain. Ne parle pas ainsi, dit le pere, autrement tu ferois Dieu menteur ? mais dis plûtôt : Je veux du tout faire misericorde. Or Dieu a dit : Je vous ay donné la puissance de marcher sur les serpens & les scorpions ; & sur toute la vertu de l’ennemy : pourquoy doncques ne foules-tu pas aux pieds les esprits immondes ?
Dixit abbas Palladius: Oportet animam secundum Christi voluntatem conversantem, aut discere fideliter quæ nescit, aut docere manifeste quæ novit; si autem utrumque, cum possit, non vult, insaniæ morbo laborat. Initium enim recedendi a Deo, fastidium doctrinæ est, et cum non appetit illud quod semper anima esurit quæ diligit Deum.
— omis dans cette traduction —
Frater dixit abbati Sisoi: Quare non recedunt a me passiones? Et dicit ei senex: Quia vasa earumdem passionum intra te sunt; sed da eis pignus suum, et discedent.
Un frere disoit au pere Sisoy : Pourquoy les passions ne se retirent elles pas de moy ? Le bon homme dit : pource que les vaisseaux des mêmes passions sont dans toy : mais bailles leur gage, & elles se retireront.
Venit quidam frater ad abbatem Silvanum in monte Sina, et vidit fratres laborantes, et dixit seni: Nolite operari cibum qui perit; Maria autem optimam partem elegit. Et dicit senex discipulo suo: Voca Zachariam, et mitte fratrem istum in cellam, ubi nihil est. Et cum facta fuisset hora nona, intendebat ad ostium, si mitterent et vocarent eum ad manducandum; et cum nemo loqueretur ei, surgens venit ad senem, et dicit ei: Abba, hodie fratres non comederunt? Et dixit ei senex: Etiam jam comederunt. Et dicit ei frater: Et quare me non vocasti? Et respondit senex: Tu homo spiritalis es, et non indiges hoc cibo; nos autem carnales sumus et volentes manducare, propterea operamur manibus nostris; tu vero bonam partem elegisti, legens tota die, et nolens sumere cibum carnalem. Qui cum hæc audisset, prostravit se ad pœnitentiam, dicens: Ignosce, mi abba. Et dixit senex: Puto opus habet omnino Maria Martham, per Martham enim Maria laudatur.
Un frere vint au pere Sylvain, en la montagne Sinaï, & voyant les freres qui travailloient, il dit au bon homme : Ne travaillez pas pour le manger qui perit, Marie a élû la trés-bonne partie. Et le bon homme dit à son Disciple : Apellé Zacharie, mettez ce frere en sa cellule vuide. Quand il fut neuf heures, il écoutoit si on lui apportoit à manger ; & ne voyant personne venir à luy, il s’en alla au pere, auquel il dit : Les freres n’ont-ils pas mangé aujourd’huy ? Ils ont mangé, dit le Pere. Et pourquoy ne m’avez-vous pas appellé, dit le frere ? Tu és un homme spirituel, dit le pere, & n’as que faire de cette nourriture, mais nous qui sommes charnels, voulans manger, il faut que nous travaillions de nos mains : quant à vous, vous avez élû la bonne partie, lisant tous les jours, & ne voulans pas prendre la nourriture charnelle. Oyant cela, il se prosterna à la penitence, disant : Pere, j’ay peché : Et le bon homme luy dit : j’estime que Marie a besoin de Marthe, & par Marthe Marie est aussi loüée.
Dixit sancta Syncletica: Qui sensibiles divitias de labore et periculis maris colligunt, quando multa lucrantur, tunc plura desiderant, et quæ habent, velut nihilum reputant; ad ea vero quæ necdum habent omnem intentionem animi tendunt. Nos autem et eorum quæ quærenda sunt, nihil habemus, et nolumus possidere quæ necessaria sunt propter timorem Dei.
— omis dans cette traduction —
Dixit iterum: Est tristitia utilis, et est tristitia quæ corrumpit. Tristitia ergo utilis est, ut pro peccatis ingemiscamus, et pro ignorantia proximorum, et ut non cadamus a proposito, ut perfectionem bonitatis attingamus: hæ sunt species veræ tristitiæ. Est enim et adversarii nostri ad hæc quædam conjunctio. Immittit enim tristitiam sine aliqua ratione, quam tædium appellaverunt. Oportet ergo talem spiritum sæpius orando et psallendo magis depellere.
— omis dans cette traduction —
Dixit iterum: Est enim ex immissione diaboli extensa dura abstinentia, nam et sequaces ejus faciunt hoc; quando ergo discernimus divinam et regalem abstinentiam a tyrannica atque diabolica? Manifestum est quia mediocri tempore conversationis tuæ una regula jejunii sit tibi. Non subito quatuor aut quinque dies continuos jejunas, et iterum multitudine ciborum solvis virtutem? hoc enim lætificat diabolum. Semper enim quod sine mensura est, corruptibile est. Noli ergo subito arma tua expendere, ne nudus inventus in bello facile capiaris; arma vero nostra corpus nostrum est, anima vero nostra miles est. Utrisque ergo diligentiam præsta, ut paratus sis ad id quod necesse est.
— omis dans cette traduction —
Venerunt aliquando duo senes de partibus Pelusii ad abbatissam Saram. Et cum ambularent, dicebant ad invicem: Humiliemus vetulam istam. Et dicunt ei: Vide ne extollatur animus tuus, et dicas: Quia ecce solitarii viri veniunt ad me, quæ mulier sum. Et dixit eis abbatissa Sara: Sexu quidem mulier sum, sed non animo.
— omis dans cette traduction —
Iterum dixit abbatissa Sara: Si poposcero a Deo ut omnes homines ædificentur in me, invenior ante januas singulorum pœnitentiam agens; sed magis oro ut cor meum cum omnibus purum sit.
— omis dans cette traduction —
Dixit abbas Hyperichius: Ille est vere sapiens, qui facto suo docet alios, non qui verbis.
— omis dans cette traduction —
Venit aliquando monachus quidam ab urbe Roma, qui in palatio magnum locum habuit, et habitabat in Scythi in vicinitate ecclesiæ; habebat autem secum unum servum qui ministrabat ei. Videns autem presbyter ecclesiæ infirmitatem ejus, et cognoscens quia de deliciis esset vir ille, id quod ei Dominus donabat, vel quod in ecclesiam intrabat, transmittebat ei. Qui cum fecisset viginti quinque annis in Scythi, factus est vir contemplator, prævidens et nominatus. Audiens autem quidam de magnis monachis Ægyptiis opinionem ejus, venit videre eum, sperans corporalem conversationem plus apud eum arduam invenire. Qui cum intrasset, salutavit eum; et facientes orationem sederunt. Videns autem Ægyptius vestitum mollibus rebus, et budam de papyro, et pellem stratam sub ipso, et modicum capitale de cartica sub caput ejus, sed et pedes mundos habentem cum caligulis, scandalizatus est intra se de eo, quia in loco illo non erat consuetudo taliter conversandi, sed magis duram abstinentiam habere consueverant. Senex autem ille Romanus habens contemplationem sive prævidentiæ gratiam, intellexit quia scandalizatus est intra se de eo Ægyptius monachus, et dicit ministro suo: Fac nobis hodie propter abbatem qui venit, bonam diem. Et coxit parva olera quæ habebat, et surgentes hora competenti comederunt: habuit etiam et modicum vini propter infirmitatem suam, et illud biberunt. Et cum factum esset vespere, dixerunt duodecim psalmos, et dormierunt; similiter autem et nocte. Surgens autem mane Ægyptius dixit ei: Ora pro me. Et egressus est, non ædificatus in eo. Et cum paululum discessisset, volens eum ille senex Romanus sanare, misit post ipsum et revocavit eum. Qui cum venisset, cum gaudio iterum suscepit eum, et interrogavit eum, dicens: Ex qua provincia es? Et ille dixit: Ægyptius sum. Et dixit ei: Cujus civitatis? Et respondit: Ego omnino non fui de civitate, nec habitavi aliquando in civitate. Et dixit ei: Antequam monachus esses, quid operabaris in possessione qua manebas? Et ille respondit: Custos eram agrorum. Et dicit ei: Ubi dormiebas? Respondit: In agro. Et dixit: Habebas aliquid stratus? Et respondit: Ego in agro habui habere stramenta in quibus dormirem? Et dixit: Et quomodo dormiebas? Respondit: In terra nuda. Et dixit: Quid manducabas in agro, aut quale vinum bibebas? Iterum respondit: Quæ sunt escæ aut qualis potus in agro? Et dixit: Quomodo ergo vivebas? Respondit: Manducabam panem siccum, et si inveniebam quodcunque de salsamentis, et bibebam aquam. Et dixit senex: Grandis labor. Et dixit: Erat ibi vel balneum in possessione, ubi lavareris? Et ille dixit: Non, sed in flumine lavabar, quando volebam. Cum ergo hæc omnia ab eo senex responsione ejus exegisset, et cognovisset modum prioris vitæ ejus atque laboris, volens eum proficere, narravit ei suam vitam præteritam, quam habebat cum esset sæcularis, dicens: Me miserum quem vides, de magna illa civitate Roma sum, habens in palatio maximum locum apud imperatorem. Et cum audisset Ægyptius initia verborum ejus, compunctus est, et sollicite quæ dicebantur audiebat. Et ille adjecit: Reliqui ergo Romam et veni in solitudinem istam. Et iterum dixit: Me quem vides, habui domos magnas et pecunias multas, et contemnens eas, veni in istam parvam cellam. Iterum dixit: Me quem vides, lectos vestitos ex auro habui, habentes pretiosissima stramenta; et pro his dedit mihi Deus stramentum hoc de papyro et hanc pellem. Sed et vestes meæ inæstimabili pretio dignæ erant, et pro his utor has viles rescellas. Iterum dixit: In prandio meo multum auri expendebatur; et pro illo mihi dedit modica olera hæc et parvulum calicem vini. Erant autem et qui serviebant mihi plurimi servi, et ecce pro illis uni isti Dominus compunxit, ut serviret mihi. Pro balneo autem perfundo modico aquæ pedes meos, et caligulis utor propter infirmitatem meam. Et rursus pro calamis et cithara vel alio musico opere, quo delectabar in conviviis meis, dico mihi duodecim psalmos in die, et duodecim in nocte. Sed et pro peccatis meis, quæ ante faciebam, modo cum requie exhibeo parvum et inutile ministerium Deo. Vide ergo te, abba, ut non scandalizeris propter infirmitatem meam. Et hæc audiens Ægyptius atque in semetipsum reversus, dixit: Væ mihi, quia ego de multa tribulatione et plurimo labore sæculi magis ad repausandum in conversationem monachi veni, et quod non habebam tunc, modo habeo; tu autem multa ex delectatione sæculi voluntate propria in tribulationem venisti, et ex multa gloria atque divitiis venisti in humilitatem et paupertatem. Ex quo multum proficiens discessit, et factus est ei amicus, et sæpe veniebat ad eum suæ utilitatis causa; erat enim vir discernens, et repletus bono odore Spiritus sancti.
Un jour il vint un Moine de la ville de Rome, qui demeuroit en Scythi, prés de l’Eglise, & avoit quant & luy un Serviteur. Le Prêtre de l’Eglise voyant son infirmité, & connoissant que cét homme aimoit les délices, luy envoyoit ce qu’il pouvoit. Ayant demeuré vingt cinq ans en Scythi, il devint homme contemplatif, sage & renommé. Un grand Moine d’Egypte alla le voir pensant trouver en luy une vie plus austere. Etant entré en sa cellule, ils firent la priere, & puis ils s’assirent. Le pere Egyptien voyant qu’il se traitoit mollement, fut scandalisé. Le bon homme Romain qui avoit la grace de la contemplation & de la providence, l’apperçût bien, & dit à son serviteur : Fais nous aujourd’hui bonne chaire, à cause de la venuë de ce Pere ; & il fit cuire un peu d’herbes qu’il avoit : & se levans à l’heure competente : ils mangerent. Il avoit aussi un peu de vin, à cause de son infirmité, lequel ils bûrent. Le soir ils dirent douze Pseaumes, & puis ils dormirent, & en firent autant de nuit. L’Egyptien se levant au matin, dit : Priez pour moy, & il sortit n’étant pas édifié en luy. Et quand il fut un peu loin, le bon homme Romain le voulant guerir, envoya aprés luy, & le fit retourner, disant : Mon amy j’ay eu mes aises comme un Prince au siécle maintenant Dieu m’a réduit à ce repos & a ce retrenchement, & je luy presente mon petit inutile service : ne vous scandalisez donc pas de ma maniere de vivre, à cause de mon infirmité. L’Egyptien étant retourné à soy, dit : Malheur sur moy, qui d’une grande tribulation, & de beaucoup de peine ne suis pas venu en cette conversation Monachale ; où j’ay plus d’aise & de contentement qu’auparavant & vous au contraire, d’une grande délectation du siécle, par vôtre propre volonté, vous êtes venu en tribulation : & d’une grande gloire & des richesses, en humilité & en pauvreté. Il partit pour cette cause fort édifié, & luy fut ami ; & souvent il venoit vers luy, car il étoit homme de grande discretion, & plein de bonne odeur du saint Esprit.
Dicebat senex: Non necesse est verborum tantum; sunt enim plurima verba in hominibus tempore hoc, sed opera necessaria sunt; hoc enim Deus quærit, non verba, quæ non habent fructum.
— omis dans cette traduction —
Frater aliquis interrogavit quosdam Patrum: Si polluitur aliquis quando res sordidas cogitat. Et cum de hoc inquisitio fieret apud eos, alii dicebant: Etiam polluitur; alii dicebant: Non; quia si polluitur non possumus salvari nos, qui idiotæ sumus; sed hoc pertinet ad salutem, si ea quæ cogitamus, corporaliter non fecerimus. Ille autem frater qui interrogaverat, non sibi sufficere judicans variam responsionem Patrum, abiit ad senem probatiorem, et interrogavit eum de hoc. Et respondit ei senex: Secundum mensuram uniuscujusque requiritur ab eo. Rogavit ergo frater ille senem, dicens: Peto propter Dominum, absolve mihi hoc verbum. Et dicit ei senex: Ecce forte jacet hic vas aliquod desiderabile. Et dicit senex: Intraverunt duo fratres, ex quibus unus habebat mensuras magnas exercitatæ vitæ, alter vero parvas. Si ergo cogitatio illius perfecti mota fuerit ad aspectum vasis illius, et dixerit intra se: Volebam habere vas istud, et non permanserit in hoc, sed cito absciderit hujusmodi appetitum, non est pollutus; si vero qui necdum ad majores mensuras attigit, concupierit vas illud, et exercitatus fuerit cum cogitatione sua desiderio compellente, et tamen non tulerit illud, non est inquinatus.
— omis dans cette traduction —
Dixit senex: Si quis manserit in aliquo loco, et non fecerit fructum loci illius, locus ipse expellit eum, utpote quia non fecit fructum loci illius.
— omis dans cette traduction —
Dixit senex: Si quis fecerit rem aliquam sequens voluntatem suam, quærens quod non est secundum Deum, si id tamen per ignorantiam fecerit, postea oportet eum reverti ad viam Domini. Qui autem tenet voluntatem suam, non secundum Deum, et neque ab aliis vult audire, sed velut scitum se putat; qui hujusmodi est, vix perveniet ad viam Domini.
— omis dans cette traduction —
Interrogatus est senex: Quid est, quod legitur, Via angusta et arcta? Et respondit senex, dicens ei: Angusta et arcta via hæc est, ut cogitationibus suis homo violentiam faciat, et abscidat propter Deum voluntates suas. Hoc est etiam quod scriptum est de apostolis: Ecce nos reliquimus omnia, et secuti sumus te.
— omis dans cette traduction —
Dixit senex: Sicut ordo monachorum honoratior est sæcularibus, ita peregrinus monachus speculum debet esse localibus monachis per omnem modum.
— omis dans cette traduction —
Dixit quidam Patrum: Si manserit operarius in loco ubi non sunt operarii, non potest proficere; hæc est enim virtus operarii, certare ut ab opere non minuatur. Nam et piger si manserit cum operario, proficit; et si non proficit, non tamen descendit inferius.
— omis dans cette traduction —
Dixit quidam senex: Quia homo si verbum quidem habeat, opera autem non habeat, assimilatur arbori habenti folia; fructum autem non. Sicut enim arbor fructibus plena etiam foliis viret, ita et sermo consequitur hominem qui habet opera bona.
— omis dans cette traduction —
Dixit senex, quia aliquando quidam lapsus in gravi peccato, et compunctus ad pœnitentiam, abiit indicare hæc seni cuidam, et non dixit ei quod fecerat, sed quasi interrogavit, dicens: Si alicui ascendat cogitatio talis, habet salutem? Ille vero, quia nesciebat discretionem, respondit ei: Perdidisti animam tuam. Hoc audiens frater, dixit: Ergo si perii, vado ad sæculum. Pergens autem ille, deliberavit ire et indicare cogitationes suas abbati Silvano, erat enim hic Silvanus magnus discretor. Veniens ergo ad eum frater, non dixit ei quod fecerat, sed iterum eo modo quo et prius seni illi dixerat; hoc est, Si ascenderint alicui tales cogitationes, habet salutem? Aperiens autem abbas Silvanus os suum, cœpit de Scripturis dicere ei: Non omnino judicium tantum est de cogitationibus quam de peccato. Audiens autem frater, et suscipiens virtutem dictorum in animo, sumpta spe, indicavit etiam ei actum suum. Audiens autem abbas Silvanus quod egerat, tanquam bonus medicus posuit cataplasma animæ ejus de divinis Scripturis assumptum, dicendo esse pœnitentiam his qui pro charitate revera convertuntur ad Deum. Post aliquot autem annos contigit abbatem memoratum ad illum senem applicari, qui ei desperationem fecerat, et narravit ei ista, et dixit: Ecce frater ille, qui de responso tuo desperaverat, et ad sæculum redierat, velut stella splendida est in medio fratrum. Hæc autem ideo retuli, ut sciamus quale periculum est quando aliquis sive cogitationis, sive actuum aliquid peccati indicat his qui discretionem nesciunt.
— omis dans cette traduction —
Dixit quidam senex: Non quia intrant cogitationes malæ in nobis, condemnamur ex eo, sed si male utimur cogitationibus. Fit enim ut per cogitationes naufragium patiamur, et iterum de cogitationibus coronemur.
— omis dans cette traduction —
Dixit aliquis senex: Non des et accipias cum sæcularibus hominibus; et non habeas notitiam cum muliere, nec habeas fiduciam diu cum puero.
— omis dans cette traduction —
Frater quidam interrogavit senem, dicens: Quid faciam, quia multæ cogitationes sollicitant me, et nescio quomodo repugnem eis? Dixit senex: Non repugnes contra omnes, sed contra unam. Omnes enim cogitationes monachorum unum habent caput; necessarium ergo est considerare quæ et qualis sit et adversus illam reniti; ita enim et residuæ cogitationes humiliantur.
— omis dans cette traduction —
Adversus cogitationes malas dixit quidam senex: Obsecro, fratres, sicut compressimus actus malos. comprimamus etiam cogitationes.
— omis dans cette traduction —
Dixit quidam senex: Qui vult habitare eremum, debet esse doctor, non qui doceri egeat, ne detrimentum sustineat.
— omis dans cette traduction —
Interrogatus est senex a quodam fratre dicente: Quomodo invenio Deum? utrum in jejuniis, an in laboribus, vel in vigiliis, aut in misericordia. Et respondit: In his quæ numerasti, et in discretione. Dico enim tibi quia multi afflixerunt carnem suam, et, quia sine discretione hoc faciebant, abierunt vacui nihil habentes. Os nostrum de jejunio fetet, scripturas omnes didicimus: ex corde David consummavimus, et quod Deus requirit non habemus, scilicet humilitatem.
— omis dans cette traduction —
Frater interrogavit senem, dicens: Abba, ecce ego rogo seniores et dicunt mihi de salute animæ meæ, et nihil retineo de verbis eorum; quid autem vel rogo eos nihil proficiens? Totus enim sum in immunditia. Erant autem duo vasa vacua. Et dixit ei senex: Vade, et aufer unum ex vasis istis, et mitte in eo oleum, et accende intus stupam, et refunde oleum, et pone vas in locum suum. Et fecit sic. Et dixit ei: Fac iterum sic. Et cum fecisset hoc sæpius, dixit ei senex: Affer modo utraque vasa, et vide quod eorum mundius sit. Et respondit: Illud ubi oleum misi. Cui senex dixit: Sic est et anima de his quæ interrogat. Quamvis enim nihil retineat eorum quæ audit, tamen plus ipsa mundabitur quam illa quæ omnino nec interrogat quidquam.
— omis dans cette traduction —
Frater sedebat in cella sua quiescens, et volebant dæmones seducere eum sub specie angelorum, et excitabant eum ut iret ad collectam, et lumen ostendebant ei: ille autem venit ad quemdam senem, et dixit ei: Abba, veniunt angeli cum lumine, et excitant me ad collectam. Et dicit ei senex: Non audias, eos, fili, quoniam dæmones sunt; et quando veniunt excitare te, dic: Ego quando volo surgo, vos autem non audio. Accipiens autem præceptum senis, reversus est ad cellam suam. Et sequenti nocte iterum dæmones secundum consuetudinem venientes excitabant eum. Ille vero, sicut præceptum sibi fuerat, respondebat eis, dicens: Ego quando volo surgo, vos autem non audio. Et illi dicunt ei: Malus senex ille falsator seduxit te, ad quem venit frater volens mutare pecuniam; et cum haberet, mentitus est ei, dicens se non habere, et non dedit ei; ex hoc ergo cognosce quia falsator est. Surgens ergo frater diluculo venit ad senem, et nuntiavit ei hæc ipsa. Senex vero dixit ei: Verum est quia habebam, et quia venit frater volens mutuare, et non dedi ei, sed sciebam quia si darem ei, damnum animæ ipsius faciebam. Cogitavi ergo unum mandatum præterire, quam prævaricari decem, ex quibus ad tribulationem potuissemus venire pro illo, si a me pecuniam accepisset. Tu autem dæmones, qui te seducere volunt, ne audias. Et multum confortatus de verbis senis, abiit ad cellam suam.
Un frere étant en repos en sa cellule, les diables le vouloient seduire, sous la forme & la figure d’Anges, & l’incitoient d’aller à la colecte : & luy montroient des lumieres. Il s’en alla à un pere, & luy dit ce que dessus. Le pere luy dit : Mon fils ne les écoutez pas : car ce sont des diables. Le frere prit cette résolution. Ils le solliciterent depuis, disant qu’il étoit empêché par un vieillard faussaire & menteur, pource qu’il n’avoit pas voulu bailler de l’argent à un frere, auquel il avoit dit, qu’il n’en avoit point, encore qu’il en eut ; mais ce pere l’avoit fait, pour le salut de l’ame, & le profit du frere ; & ainsi il fut fort consolé & assûré des propos de ce bon homme.
Venerunt aliquando tres fratres ad quemdam senem in Scythi, et unus ex his interrogavit eum, dicens: Abba, commendavi Vetus et Novum Testamentum memoriæ. Et respondit senex, et dixit: Replesti verbis aerem. Et secundus interrogavit eum, dicens: Vetus et Novum Testamentum ego scripsi per me ipsum. Dixit autem et huic: Et tu replesti fenestras de chartis. Et tertius dixit: Mihi in focularem herbæ ascenderunt. Et respondit senex, et dixit: Et tu expulisti a te hospitalitatem.
Trois freres vinrent un jour à un pere en Scythi, & l’un d’eux luy dit : pere, j’ay apris par cœur le vieil & le nouveau Testament : le bon homme luy répondit : Tu as remply l’air de parolles. L’autre dit : Je l’ay écrit pour moy-même, auquel dit : Tu as aussi remply les fenêtres de papiers, le troisiéme dit : Les herbes sont montées en mon foyer, & je les ay arrachées. Le bon homme luy fit réponce : Tu as aussi chassé de toy l’hôpitalité & l’humanité.
Narraverunt quidam Patrum de quodam sene magno, quia si veniebat aliquis interrogare eum sermonem, ille cum magna fiducia dicebat: Ecce ego suscipio personam Dei, et sedeo in sede judicii, quid ergo vis ut faciam tibi? Si ergo dixeris mihi, miserere mei; dicit tibi Deus: Si vis ut miserear tui, miserere et tu fratribus tuis, et ego misereor tui. Si autem vis ut ignoscam tibi, ignosce et tu proximo tuo. Nunquid a Deo est causa? Absit; sed in nobis est, si volumus salvari.
Quelques Peres racontoient d’un grand homme que quand quelqu’un venoit luy demander quelque propos ; il disoit avec une grande assûrance : Voicy que je presente la personne de Dieu, & suis assis au siege du jugement, que voulez-vous donc que je face ? si vous me dites : Ayez pitié de moy, aye pitié aussi de tes freres, j’auray pitié de toy si vous voulez que Dieu vous pardonne, pardonne aussi à ton prochain. Il ne tient pas à Dieu que ne soyons sauvez, mais à nous.
Dicebant de quodam sene in Cellis quia erat magnus laborator. Cum faceret opus suum, contigit alium quemquam sanctum virum venire ad cellam ejus, et audivit eum de foris litigantem cum cogitationibus, et dicentem: Usquequo propter unum verbum omnia illa amitto? Ille autem foris stans, putabat quia cum aliquo alio litigaret, et pulsavit ut intraret et pacificaret eos; et ingrediens et videns quia nemo alius erat intro, habens etiam fiduciam apud senem, dixit ei: Cum quo litigabas, abba? Ille respondit: Cum cogitationibus meis, quia quatuordecim libros memoriæ commendavi, et unum verbum modicum audivi foris, et cum venissem facere opus Dei, omnia illa perdidi, et hoc solum quod foris audieram venit in memoria mea in hora ministerii mei, et propterea litigabam cum cogitatione mea.
Ils disoient d’un pere en Cellis, qui étoit grand ouvrier ; & une fois pendant qu’il faisoit son œuvre, il avint qu’un autre saint homme vint à luy, & l’oüit devant que d’entrer en sa cellule qu’il debattoit avec les pensées, & disoit : Jusques à quand pour un mot, perdray-je toute ces choses-là ? Il pensoit qu’il eut debat avec quelqu’un, & frappant à la porte pour entrer & les appaiser il n’y trouva que le Pere, qui dit : J’ay mis en ma mémoire quatorze livres, & j’ay oüi dehors un petit mot. Et étant venu faire l’œuvre de Dieu, j’ay perdu tout, & ce que j’avois oüi dehors m’est venu en mémoire à l’heure de mon ministere, & partant je debatois avec ma pensée.
Fratres de congregatione venerunt in eremo, et applicuerunt ad quemdam eremitam, et suscepit eos cum gaudio. Et sicut est consuetudo eremitis, videns eos de labore fatigatos, posuit mensam extra horam; et quod habuit in cella apposuit eis, et repausavit eos. Et quando factum est sero, dixerunt duodecim psalmos, similiter et nocte; cum autem senex vigilaret, audivit eos inter se dicentes: Quia solitarii viri plus repausant in eremo quam nos in congregatione. Mane autem cum ambulaturi essent ad alium vicinum ejus, dixit eis: Salutate eum pro me, et dicite ei: Non adaques olera. Ille autem cum hoc audisset, intellexit verbum, et tenuit eos usque sero laborantes jejunos. Cum autem sero factum esset, fecit prolixum opus Dei, et posuit ea quæ habebat, et dixit: Cessemus modice propter vos, quia de labore estis fatigati. Et dixit iterum: Quotidie manducare non solemus, sed propter vos gustemus modicum. Et apposuit eis panem siccum et sal, et dixit: Ecce propter vos festivitatem habemus hodie; et misit parum aceti in salibus illis. Et surgentes cœperunt psallere usque mane. Et dixit: Propter vos non possumus adimplere regulam nostram, ut modice pausetis, quia peregrini estis. Mane autem facto, volebant fugere: ille autem rogabat, eos, dicens: Manete aliquantum temporis nobiscum; sin alias, vel propter mandatum, dies tres secundum consuetudinem eremi facite nobiscum. Illi autem videntes quia non relaxaret eos, fugerunt occulte.
Les Freres se transporterent au desert, & s’addresserent à un Hermite, qui les reçût avec joye. Et selon la coûtume des Hermites, les voyant travaillez, il mit la table hors l’heure, & leur servit ce qu’il avoit en la cellule : le soir ils dirent douze Pseaumes, & semblablement la nuit. Le bon homme qui veilloit, les oüit parlans entr’eux, disant : Les Hermites ont plus de repos & d’aise au desert, que nous au Convent. Le matin étant prêt d’aller voir un autre sien voisin, il leur dit : Saluez les & lui dites ? Ne moüillez pas les herbes. Or il entendit bien ce mot, & le tint jusques au soir travaillans à jeûner. Le soir il fit plus long l’œuvre de Dieu, & puis il dit : Cessons un peu pour l’amour de vous qui avez travaillé, nous n’avons pas de coûtume de manger tous les jours, mais pour l’amour de vous, nous mangeons un peu. Il leur presenta du pain sec & du sel, disant : pour l’amour de vous, nous faisons fête aujourd’huy, & il mit un peu de vinaigre en ce sel. Et se levant ; ils commencerent à chanter jusques au matin : & il leur dit : pour l’amour de vous nous ne pouvons accomplir nôtre régle, reposez-vous, pource que vous êtes étrangers. Le matin ils vouloient fuir, mais il les pria de demeurer encore quelques temps : & iceux voyans qu’il ne les relâchoit point, ils s’en allerent secrettement.
Frater interrogavit quemdam Patrem, dicens: Si contigerit gravari in somno, et transierit hora ministerii mei, anima mea præ verecundia non vult implere opus suum. Et dixit senex: Si te contigerit usque mane dormire, quando evigilas, surge, claude ostium et fenestras tuas, et fac opus tuum; scriptum est enim: Tuus est dies, et tua est nox; in omni enim tempore glorificatur Deus.
Un frere demanda à un Pere s’il avient que je sois appesanty du sommeil & que l’heure de mon ministere se passe, & mon ame de honte ne veille pas accomplir son œuvre ; Le bon homme dit : S’il avient que tu dormes jusques au matin, quant tu te réveilleras ; ferme ta porte, & tes fenêtres, & fais ton œuvre : car il est écrit : Le jour est à toy, & la nuit est tienne : Dieu est glorifié en tout temps.
Dicebat aliquis senex: Quia est homo comedens multa et adhuc esuriens; est etiam alter homo qui pauca comedit, et satiatur. Majorem autem habet mercedem ille qui plus comedit, et esuriens manet, ab illo qui parum comedit, et satiatur.
— omis dans cette traduction —
Dixit quidam senex: Si contigerit inter te et alium sermo aliquis tristis, et negaverit ille, dicens: Non dixi sermonem hunc, ne certes cum eo, et dicas: Dixisti, qui exacerbatur, et dicet tibi: Etiam dixi.
Quelque Pere disoit : Si vous avez quelque triste devis avec un autre, & il nie quelque propos, ne debats pas avec luy & comportes toy modestement.
Frater aliquis interrogavit senem, dicens: Soror mea pauper est, si do ei eleemosynam, non est sicut unus de pauperibus? Et dixit senex: Non. Dixit autem frater: Quare, abba? Et respondit senex: Quia sanguis ipse trahit te modicum.
Un frere demanda à un pere : Ma sœur est pauvre si je luy donne l’aumône, est-elle pas comme l’un des pauvres ? Non dit le pere pource que son sang t’attire un peu.
Dixit senex: Quia oportet monachum neque auditorem esse obtrectantium, neque obtrectari, neque scandalizari.
— omis dans cette traduction —
Dixit quidam senex: Non omnia quæ dicuntur placeant tibi, neque omni sermoni consentias. Tardius crede, et quod verum est, citius dic.
Un pere disoit que tout ce que l’on dit ne te plaise pas, ne consents pas à tous propos, croy tard & dit plûtôt ce qui est vray.
Dixit quidam senex: Si ascenderit in corde fratris sedentis in cella verbum, et revolvens frater verbum in animo, non potuerit ad mensuram verbi pertingere, neque tractus fuerit a Deo, assistunt ei dæmones, et ostendunt ei de verbo illo quod ipsi volunt.
— omis dans cette traduction —
Dicebant quidam senum: Quando congregabamur initio ad invicem, et loquebamur aliquid quod utile esset animabus nostris, efficiebamus seorsum et seorsum, et ascendebamus in cœlum; nunc autem congregamur, et in obtrectationibus occupamur et unus alterum trahimus in profundum.
Quelques Peres disoient : Quand nous nous assemblions au commencement, & que nous parlions au profit de nos ames, nous montions au Ciel. Maintenant nous nous assemblons, & nous occupons a detracter, & nous nous tirons l’un l’autre à la ruine.
Dixit alter quidam Patrum: Si quidem interior homo noster sobrie agit, potest etiam exteriorem custodire; si vero non est ita, qua possumus virtute custodiamus linguam.
— omis dans cette traduction —
Item qui supra dixit: Opus spirituale necessarium est, quia in hoc venimus. Magnus enim labor est ore dicere quod non fit opere corporali.
— omis dans cette traduction —
Alter quidam Patrum dixit: Quia omnino oportet hominem habere intra cellam opus, quod laboret; si autem in opere Dei occupatur, venit ad eum diabolus die inter diem, sed non invenit locum in quo maneat. Si autem rursus dominando ei inimicus in captivitatem redegerit eum, venit iterum spiritus Dei frequenter; sed si nos ei non facimus locum propter malitiam nostram, discedit.
— omis dans cette traduction —
Descenderunt aliquando monachi de Ægypto in Scythi, ut viderent seniores loci illius. Et cum vidissent eos extenuatos fame, de nimia abstinentia impatienter comedere, scandalizati sunt in eis. Hoc autem presbyter agnoscens, voluit sanare eos, et ita dimittere, et prædicavit in ecclesia plebi, dicens: Jejunate et extendite abstinentiam vestram, fratres. Volebant autem Ægyptii, qui illic venerant, discedere, et retinuit eos. Cum autem jejunassent primo aporiati sunt, fecerat enim eos biduo jejunare continuo. In Scythi autem habitantes jejunaverunt hebdomadam; et facto Sabbato, sederunt manducare Ægyptii cum senibus. Turbantibus autem se ad manducandum Ægyptiis, unus de senibus tenuit manus ejus, dicens: Cum disciplina manducate, quomodo monachi. Unus autem ex Ægyptiis repulit manus ejus, dicens: Dimitte me quia morior, tota hebdomada nihil coctum comedi. Et dixit ei senex: Si vos biduo intervallo manducantes ita defecistis, quare in fratribus scandalizati estis, qui semper hebdomadas eo ordine levando abstinentiam servant. Illi autem pœnitentiam coram eis egerunt, et ædificati in abstinentia eorum abierunt cum gaudio.
Un jour les Moynes d’Egypte décendirent en Scithy, pour voir les Pere de ce lieu-là : & les ayant vûs exténuez de trop d’abstinence, ils furent scandalisez. Le Prêtre prêcha en l’Eglise, & fit étendre le jeûne & faire penitence aux Moynes Egyptiens, de ce qu’ils étoient scandalisez.
Frater quidam renuntians sæculo, et accipiens habitum monachi, statim reclusit se, dicens: Solitarius volo esse. Audientes autem vicini seniores, venerunt et ejecerunt eum, et fecerunt circuire cellas fratrum, et pœnitentiam coram singulis agere, et dicere: Ignoscite mihi, quia non sum solitarius, sed adhuc initium monachi nuper assumpsi.
Un Frere renonçant au siécle, & prenant l’habit de Moyne, se voulut enfermer : les Moynes voisins le firent sortir de là ; luy firent environner les cellules des freres, & faire penitence devant tous, disant qu’il n’étoit pas solitaire, que depuis peu il avoit pris l’habit de Moyne.
Dixerunt quidam senes: Si videris juvenem voluntate sua ascendentem in cœlum, tene pedem ejus, et projice eum in terram, quia non ita expedit ei.
Quelques Peres disoient : Si tu vois un jeune homme montant de sa volonté au Ciel, tiens ses pieds, & les jettes en terre, pource qu’il ne luy est pas expedient d’ainsi faire.
Frater dixit cuidam seni magno: Abba, volebam invenire senem aliquem juxta voluntatem meam, et morari cum ipso. Et dixit ei senex: Bene quæris, domine meus. Ille autem affirmabat hujusmodi esse desiderium suum, non intelligens quod locutus est senex ille. Sed cum videret eum senex æstimantem quod bene sentiret, dixit ei: Ergo si invenis senem secundum voluntatem tuam vis manere cum eo? Et ille dixit: Etiam omnino hoc volo, si invenero secundum voluntatem meam. Dixit ergo ei senex: Non ut tu sequaris voluntatem senis illius, sed ut ille tuam voluntatem sequatur, et ita in eo repauses. Sensit autem frater ille quod dicebat, et surgens prostravit se ad pœnitentiam, dicens: Ignosce mihi, quia valde gloriabar, æstimans me bene dicere, cum nihil tenerem boni.
— omis dans cette traduction —
Duo fratres carnales renuntiaverunt sæculo, quorum unus, qui ætate minor erat, primus cœperat conversari; et cum venisset apud eos quidam Patrum et applicuisset apud eos, posuerunt pelvim. Et venit qui minor erat ætate ut lavaret pedes seni, senex autem tenens manum ejus removit eum, et eum qui major ætate fuerat, fecit implere opus, quod primi in monasterio facere consueverant. Dixerunt autem ei astantes fratres: Abba, ille minor in conversatione primus est. Respondit eis senex: Et tollo primatum minoris, et trado ei qui ætate præcedit.
— omis dans cette traduction —
Dixit quidam senex: Prophetæ conscripserunt libros; patres autem nostri venerunt post eos, et operati sunt in eis plurima, et iterum successores illorum commendaverunt eos memoriæ. Venit autem generatio hæc quæ nunc est, et scripsit ea in chartis atque membranis, et reposuit in fenestris otiosa.
— omis dans cette traduction —
Dicebat senex: Quia cucullum, quo utimur signum est innocentiæ; superhumerale quo humeros et cervicem alligamus, signum est crucis; zona vero qua cingimur, signum est fortitudinis. Conversemur ergo juxta id quod habitus noster significat, quia omnia cum desiderio facientes, nunquam deficiemus.
— omis dans cette traduction —
Texte latin : Verba seniorum, livre V des Vitae Patrum, traduit du grec par Pélage, diacre de l’Église romaine, dans l’édition d’H. Rosweyde reprise par la Patrologie latine de Migne, t. 73 (réimpression de 1879), col. 855–988, relu sur les fac-similés ; sans les notes ni les renvois de l’éditeur. · Traduction française de René Gaultier, Les Vies et les miracles des saints Pères hermites, Rouen, 1696 (orthographe de l’édition). Traduction partielle : Gaultier abrège, et s’arrête après la XIVe partie ; les paroles qu’il ne traduit pas sont données en latin seul. Les gloses morales ajoutées par le traducteur ne sont pas reproduites : le texte donné est un extrait établi par la bibliothèque. Texte du domaine public en France (art. L123-1 du code de la propriété intellectuelle). Transcription et révision : Abbatia Sancti Petri de Curte. Signaler une erreur