The Sayings of the Elders (Verba seniorum, Book VII)
Against the spirit of pride
Contra spiritum superbiæ.
Quidam senex dixit: Qui ab hominibus amplius honoratur aut laudatur, non parvum damnum patitur; qui autem ab hominibus non honoratur, desuper gloriam accipit.
— omitted in this translation —
Item dixit: Fieri non potest ut simul herba nascatur et semen; ita impossibile est ut laudem et gloriam habentes sæcularium, simul et fructum faciamus cœlestem.
— omitted in this translation —
Item dixit: Quando cogitatio superbiæ, vel certe vanæ gloriæ te impugnat, perscrutare teipsum, si omnia mandata Dei servasti, si inimicos diligis, si gaudes de gloria inimici tui, et contristaris in dejectione ejus; si apud te habes, quoniam servus inutilis es, et quod plus omnibus hominibus sis peccator; et neque tunc tam grande aliquid sapias, tanquam aliquid boni feceris, sciens quod elata cogitatio illa omnia bona dissolvit.
— omitted in this translation —
Dixit senex cuidam: Non apponas cor tuum adversus fratrem tuum, dicens: Quomodo tu amplius sobrius es quam ille, et continentior? sed subditus esto gratiæ Dei in spiritu paupertatis, et per charitatem non fictam, ne spiritu exaltationis perdas laborem tuum.
— omitted in this translation —
Item dixit senex: Quantumcunque enim se deposuerit homo in humilitate, tantum quoque proficit in altum. Sicut enim superbia, si ascenderit in cœlum, usque ad infernum deducitur: ita et humilitas, si descenderit ad infernum, tunc exaltabitur usque ad cœlum.
— omitted in this translation —
Abbas Macarius, dum diluculo palmarum folia portans ad cellam suam reverteretur, occurrit ei diabolus cum falce præacuta, volens eum percutere, et non valebat. Qui exclamans, ait: Magnam vim a te patior, Macari, qui cum te cupio nocere, non valeo; dum quæcunque tu facis, ego magis exsuperem. Tu ergo interdum jejunas, ego nunquam ullo cibo reficior. Tu sæpe vigilas, me vero nunquam sopor oppressit, sed una re me vincis ipse, fateor. Cumque ab eo rem ipsam Macarius requisisset, ait: Humilitas tua sola me vincit. Hæc dicente inimico, et extendente beato Macario manus suas ad orationem, spiritus immundus inter auras evanuit.
— omitted in this translation —
Quidam ex Patribus dicebat: Omnis labor sine humilitate vanus est. Humilitas enim præcursor est charitatis. Sicut Joannes præcursor erat Jesu, omnes trahens ad eum: ita et humilitas attrahit ad charitatem, id est, ad ipsum Deum, quia Deus charitas est.
— omitted in this translation —
Quidam frater requisivit a sene: Quid est humilitas? Cui senex: Arbor est vitæ, in altum excrescens.
— omitted in this translation —
Item dixit: Terra, in qua Deus dixit sibi sacrificium offerre, humilitas est.
— omitted in this translation —
Iterum requisitus senex quidam: Quomodo potest anima humilitatem adipisci? Respondit: Si sua tantummodo mala homo consideret. Dicebat autem, Quia perfectio hominis est humilitas.
— omitted in this translation —
Dixit abbas Motois: Humilitas nec ipsa irascitur, nec alios irasci permittit.
Motois said: “Humility neither is angry nor suffers others to be angry.”
Item dixit: Humilitas est, si quando peccaverit in te frater tuus, antequam pœniteat, indulseris ei.
— omitted in this translation —
Latin text: Verba seniorum, Book VII of the Vitae Patrum, translated from the Greek by Paschasius of Dumium for Abbot Martin (Martin of Braga), in H. Rosweyde’s edition as reprinted in Migne’s Patrologia Latina, vol. 73 (1879 reprint), cols. 1025–1062, checked against the scans; without the editor’s notes and cross-references, and without the Greek text of chapter XLIV printed in the notes. · English translation by James O. Hannay († 1950), The Wisdom of the Desert, London, Methuen, 1904 — a selection: he translates fourteen sayings of this book; the others, the prologue and the chapter titles are given in Latin only. His captions are not reproduced. One sentence he added (VII.25.4) is not reproduced; his linking sentence in VII.42.4 is kept because the next sentence depends on it. Collated with the 1904 print. Public-domain text in France (art. L123-1 of the French Intellectual Property Code). Transcription and revision: Abbatia Sancti Petri de Curte. Report an error