Abbatia
Sancti Petri
de Curte

The Sayings of the Elders (Verba seniorum, Book VII)

That in this life man cannot find rest

In hac vita homo requiem invenire non potest.

This book is not translated in the edition used; the Latin is given alone.

1

Abbatem Sisoium requisivit frater: Post quantum tempus debet homo a se abscindere passiones? Respondit: Scriptum est in Evangelio: Quia peccatores Deus non audit; sed qui cultor Dei est, et voluntatem ejus facit. Ideo cum venerit impugnatio, abscide illam, quia fragilis est anima; ante armetur quam a peccatis inquinetur.

2

Abbatem Pimenium interrogavit frater: Quid faciam, quia conturbant me cogitationes sedentem in cella? Respondit: Neminem despicias, nullum dijudices, de nullo male loquaris; et Deus dabit tibi requiem, et statuet sessionem tuam sine conturbatione. Custodiam enim seniorum, et quietem ipsorum considera. Meditare in divinis officiis, et scias horas canonicas die ac nocte. Timor Domini non discedat a corde tuo: et non glorieris, neque te æstimes cum justis, et ex omni virtute tua custodi, ut non facias propriam voluntatem.

3

Idem dixit: Sicut ad succensam ollam muscæ non appropinquant; si vero tepida fuerit, insidunt in eam, et faciunt vermes; ita et monachum succensum igne divini Spiritus, dæmones fugiunt; tepidum vero illudunt et insequuntur.

Latin text: Verba seniorum, Book VII of the Vitae Patrum, translated from the Greek by Paschasius of Dumium for Abbot Martin (Martin of Braga), in H. Rosweyde’s edition as reprinted in Migne’s Patrologia Latina, vol. 73 (1879 reprint), cols. 1025–1062, checked against the scans; without the editor’s notes and cross-references, and without the Greek text of chapter XLIV printed in the notes. Public-domain text in France (art. L123-1 of the French Intellectual Property Code). Transcription and revision: Abbatia Sancti Petri de Curte. Report an error