Les Paroles des anciens (Verba seniorum, livre V)
De la patience
De patientia.
Dicebant fratres de abbate Gelasio, quia habuerit Codicem in membranis valentem solidos decem et octo. Continebat vetus et novum Testamentum totum; et positus erat Codex ipse in ecclesia, ut qui vellet de fratribus legeret. Superveniens autem quidam frater peregrinus applicuit ad senem, et videns Codicem illum concupivit eum, et furatus eum exivit atque discessit. Senex vero non est secutus post eum ut comprehenderet eum, utpote qui intellexerat quod fecerat. Ille autem pergens in civitatem, quærebat cui venderet eum. Et cum invenisset qui volebat emere, cœpit solidos sedecim pretium ejus postulare. Ille vero volens comparare eum, dixit: Da mihi primum et ostendam eum, ut sic tibi pretium dabo. Dedit ergo ille Codicem ad ostendendum. Quem accipiens ille qui emere cupiebat, attulit eum ad abbatem Gelasium, ut probaret si bonus Codex esset, aut si tantum valeret. Dixerat enim ei et quantitatem, quam venditor postulabat. Et dixit senex: Eme illum, quia bonus Codex est, et valet pretium quod dixit tibi. Ille autem veniens dixit venditori aliter, et non sicut audierat a sene, dicens: Ecce ostendi illum abbati Gelasio, et dixit mihi quia charus est, et non valet quantum dixisti. Ille hoc audiens dixit ei: Nihil aliud tibi dixit senex? Et respondit: Nihil. Tunc dicit ei: Jam nolo vendere Codicem istum. Compunctus autem venit ad senem pœnitentiam agens, et rogans eum ut reciperet Codicem, senex autem nolebat accipere eum. Tunc dixit ei frater: Quia si non recipis eum, non possum securus esse. Et dixit ei senex: Si non potes esse securus nisi recipiam, ecce recipio eum. Et remansit frater ille apud eum usque ad exitum suum, proficiens de patientia senis.
Le pere Anastase avoit un livre de parchemin valant dix-huit sols, lequel contenoit le vieil & nouveau Testament, il le mettoit en l’Eglise, afin que les freres le pûssent lire. Or il survint un frere de dehors vers le bon homme, lequel voyant ce livre en eut desir, le prit, le déroba, & puis il s’en alla.
Le bon homme qui sçavoit bien ce qu’il avoit fait, n’alla pas aprés. Le frere s’en alla en la ville pour chercher à le vendre : & ayant trouvé marchand, il le fit 16 sols. Le Marchand dit qu’il le luy laissât un peu pour montrer au Pere Anastase, pour sçavoir si se livre étoit bon, & s’il valoit tant. Le Pere Anastase luy dit qu’il étoit bon, & valloit ce prix. Il s’en alla doncques au vendeur, & luy dit, non ce que luy avoit dit le Pere Anastase, mais le Pere trouvoit que c’étoit beaucoup. Ne vous a-il dit autre chose, dit le vendeur ? Non, répondit celuy qui le vouloit acheter. Lors le Frere dit : Je ne le veux pas vendre maintenant, car ayant compunction en son cœur, il s’en alla vers le bon & saint homme, & faisant penitence, le pria de recevoir son livre, & qu’autrement il n’auroit point de repos. Le Pere aprés un refus, luy dit : Si vous ne pouvez autrement vivre en repos, je le prendray, & je le reçois, & le frere demeura avec luy jusques à la fin de ses jours, profitant & s’avançant spirituellement, de la patience du bon homme.
Factus est aliquando conventus in Cellis pro causa quadam, et locutus est quidam abbas Evagrius, et dixit ei presbyter monasteriorum: Scimus, abba Evagri, quia si esses in patria tua, forte aut episcopus fueras, aut multorum caput; nunc autem hic velut peregrinus es. Ille vero compunctus, non quidem turbulenter aliquid respondit, sed movens caput, respiciensque in terram, digito scribebat, et dixit eis: Revera ita est, Patres: verumtamen semel locutus sum, in Scripturis vero secundo nihil adjiciam.
— omis dans cette traduction —
Sedente aliquando abbate Joanne Brevi ante ecclesiam, circumdederunt eum fratres, exquirentes ab eo singuli de cogitationibus suis. Quidam autem senex hoc videns, accensus invidia dixit ei: Suriscula tua, abba Joannes, veneno est plena. Et respondit ei abbas Joannes: Ita est, abba. Hoc autem dixisti, quia ea quæ sunt foris tantummodo vides; si autem videres quæ intro sunt, quid esses dicturus?
— omis dans cette traduction —
Dicebant de Joanne Minore de Thebaida, qui fuit discipulus abbatis Ammonii, quia duodecim annos fecerit in ministerio, serviens seni in infirmitate ejus, et posthæc sedebat super mattam; senex vero contristabatur pro eo. Et dum multum laborasset cum eo, nunquam dixit ei: Sanus esto. Quando autem jam moriturus erat, residentibus senibus loci, tenuit manum ejus, et dixit: Sanus sis, sanus sis, sanus sis. Et tradidit eum senibus, dicens: Hic angelus est, non homo.
L’on disoit de Jean le Moindre, de Thebaïde, qui étoit disciple du pere Ammoy, qu’il a demeuré douze ans à servir le bon homme malade, & aprés cela il se mettoit à travailler. Le Pere étoit fâché de la peine qu’il avoit, & le disciple jamais ne s’ennuya, & ne luy dit pas qu’il se guerit : Et quand il fut prés de mourir en la presence des Peres du lieu, il prit ses mains & lui dit : Guerissez, guerissez, guerissez, & il le bailla aux p. disant : Celui-ci est un Ange, & non pas un homme.
Dicebant de abbate Isidoro, qui erat presbyter in Scythi, quia si quis habuisset fratrem infirmum, aut pusillanimem, aut injuriosum, et volebat eum expellere foris, ille dicebat: Adducite eum ad me. Et apprehendens eum, patientia sua curabat animam fratris illius.
On disoit du pere Isidore qui étoit prêtre en Scythi, que si quelqu’un avoit un frere malade, ou pusillanime ou injurieux, & il le vouloit chasser dehors, il disoit : Ammenez-le moy ; Et le prenant, il guerissoit, par sa patience, l’ame de ce frere-là.
Abbas Macarius, in Ægypto positus, invenit hominem qui adduxerat animal, et rapiebat quæ habebat; ipse vero ut peregrinus astitit furi, et adjuvabat eum ad animal carricandum, et cum omni quiete deduxit eum, dicens in semetipso: Nihil intulimus in hunc mundum, sed Dominus dedit; sicut voluit ipse, ita factum est; benedictus in omnibus Dominus.
Le Pere Machaire d’Egypte, ayant trouvé un homme qui avoit amené une bête, il ravissoit ce qu’il avoit : & lui même comme étranger il luy aidoit à la charge, disant en soy-même : Nous n’avons rien apporté en ce monde, Dieu l’a donné, il est avenu comme il a voulu qu’il soit beny en toute choses.
Facta aliquando congregatione fratrum in Scythi, cum voluissent senes probare abbatem Moysen, contempserunt eum, dicentes: Ut quid iste Æthiops venit in medio nostrum? Ille autem audiens. tacuit. Cum vero dimissus fuisset conventus, dixerunt ei hi qui eum injuriose tractaverant: Nec modo non es turbatus? Et ille respondit: Turbatus sum, et non sum locutus.
Une Assemblée des Freres s’étant fait en Scythi, les Peres voulant éprouver le Pere Moyse, dirent pourquoy cét Æthiopien s’est il trouvé aussi au milieu de nous ? Ils éprouverent sa patience : car il ne dit mot.
Paysius frater abbatis Pastoris habuit affectum cum quodam monacho ex cella sua; abbas autem Pastor nolebat hoc: qui consurgens fugit ad abbatem Ammonam, et dicit ei: Frater meus Paysius habet cum quibusdam affectum, quod ego non libenter fero. Dixit autem ei abbas Ammonas: Abba Pastor, adhuc vivis? Vade in cellam tuam, et pone in corde tuo, quia annum jam habes in sepulcro.
Paysius frere du Pere Pasteur portoit affection à un certain Moine hors de sa cellule : Or le Pere Pasteur ne vouloit pas cela, & le dit au pere Ammon. Le Pere Ammon luy dit : Pere Pasteur, vivez vous encore ? Allez, & vous arrétez en vôtre cellule, & mettez en vôtre cœur, que depuis un an, vous soyez au sepulchre.
Dixit abbas Pastor: Omnis labor quicunque evenerit tibi, ex taciturnitate superabitur.
— omis dans cette traduction —
Quidam frater læsus ab alio fratre, venit ad abbatem Sisoi Thebævm, et dicit ei: Læsus sum a quodam fratre, et volo me vindicare. Senex autem rogabat eum, dicens: Noli, fili; sed dimitte magis Deo vindictam. Ille autem dicebat: Non quiesco donec meipsum vindicavero. Dixit autem senex: Oremus, frater. Et surgens dixit senex: Deus, jam te opus non habemus cogitare de nobis, quoniam nos ipsi vindictam nostram facimus. Hoc autem audiens frater, cecidit ad pedes illius senis, dicens: Jam non contendo cum fratre illo, sed, rogo, ignosce mihi.
— omis dans cette traduction —
Quidam videns quemdam religiosum portantem mortuum in lecto, dicit ei: Mortuos portas? Vade, viventes porta.
Quelqu’un voyant un Religieux qui portoit un mort au lit, luy dit : Tu portes les morts : va, & porte les vivans.
Dicebant de quodam monacho, quia quantum eum injuriis quis appetisset aut exacerbasset, tanto magis ille ad eum concurrebat, dicens: Quia hujusmodi homines causa corrigendi fiunt his qui in conversatione studiosi sunt. Nam qui eos beatificant, magis confundunt animas eorum. Scriptum est enim: Quia qui beatificant vos, seducunt vos.
— omis dans cette traduction —
Venerunt aliquando latrones in monasterium senis, et dixerunt ad eum Omnia quæ in cella tua sunt tollere venimus. Et ille dixit: Quantum vobis videtur, filii, tollite. Tulerunt ergo quodcunque invenerunt in cella, et abierunt. Obliti sunt autem ibi saccellum, quod erat absconditum in cella. Senex vero tollens eum, secutus est post eos, clamans et dicens: Filii, tollite quod obliti estis in cella. Illi vero admirantes patientiam senis, retulerunt omnia in cella ejus, et pœnitentiam egerunt omnes, ad invicem dicentes: Hic vere homo Dei est.
Les voleurs vinrent un jour au Monastere d’un certain Pere, auquel ils dirent : Nous venons emporter tout ce que vous avez en vôtre cellule, & il répondit : Mes enfans, prenez ce que vous voudrez. Ils emporterent donc tout ce qu’ils y trouverent & s’en allerent. Or ils y oublierent une petite chappelle, qui étoit cachée en la cellule. Eux émerveillez de la patience du bon homme, luy reporterent tout ce qu’ils avoient pris, & firent tous penitence, disant l’un à l’autre : Celui-cy veritablement est homme de Dieu.
Fratres quidam venerunt ad senem quemdam sanctum in deserto loco sedentem, et invenerunt foris extra monasterium puerum pascentem pecora, et loquentem verba quæ non decebat. Postquam autem viderunt senem, et indicaverunt ei cogitationes suas, et de responsione ejus se profecisse senserunt, dicunt ei: Abba, quomodo acquiescis habere tecum pueros istos, et non præcipis eis ne strinientur? Et dixit senex: Credite mihi, fratres, dies habeo, ex quo volo eis præcipere, et redarguo meipsum, dicens: Si hoc parum non portavero, quomodo majorem tentationem, si permiserit mihi Deus inferri, portare possum? Et propterea nihil eis dico, ut fiat consuetudo portandi quæ superveniunt.
Certains Freres vinrent à un saint pere qui habitoit au desert, ausquels ils découvrirent leurs pensées, & furent consolez de sa réponse. Ils avoient trouvé dehors à sa porte quelques enfans qui gardoient des moutons, & tenoient des propos déhonnêtes. Comment dirent-ils, endurez-vous cela en ces enfans : & pourquoi ne les reprenez-vous ? Je l’ai voulu faire, mais si je n’endure ce peu comment pourray-je porter une plus grande tentation, si Dieu permet qu’elle me vienne.
Narraverunt de sene quodam, quia habuerit puerulum cohabitantem secum; et videns eum, quia fecerit opus quod non expediebat ei, dixit ei semel: Non facias hanc rem. Et ille non obedivit ei. Hoc autem senex videns, abjecit de cogitatione sua curam illius, jactans proprium judicium super ipsum; puer vero clausit ostium cellæ, in qua erant panes, per tres dies, et dimisit senem jejunum, et non dixit ei senex: Ubi es, aut quid facis foris? Habebat autem vicinum senex: qui cum agnovisset, quia tardaret puerulus ille, fecit modicum pulmentum, et dabat ei per parietem, et rogabat ut gustaret, et dicebat seni: Quid tardat frater ille foris? Senex vero dicebat: Quando ei vacaverit, revertetur.
— omis dans cette traduction —
Narraverunt aliqui quia philosophi quidam aliquando voluerunt probare monachos, et venit unus transiens stola indutus et bene vestitus. Et dixerunt ei philosophi: Tu veni huc. Ille vero indignatus, injuriis aggressus est eos. Transiit et alter unus monachus magnus, rusticus genere; et ipsi dixerunt ei: Tu, monache male senex, veni huc. Ille vero cursim venit. Et cœperunt ei alapas dare; ille autem convertit eis aliam maxillam. Statim vero illi surrexerunt philosophi, et adoraverunt eum, dicentes: Vere ecce monachus. Et fecerunt eum sedere in medio sui, et interrogaverunt eum, dicentes: Quid est quod plus facitis de nobis in solitudine ista? Jejunatis, et nos jejunamus; et castigatis corpora vestra, et nos castigamus; sed et quidquid facitis, etiam et nos facimus. Quid ergo plus facitis a nobis sedentes in eremo? Respondit eis senex: In gratia Dei speramus nos, et mentem nostram custodimus. Et illi dixerunt ei: Nos hoc custodire non possumus. Et ædificati dimiserunt eum.
Quelques-uns ont raconté, que certains Philosophes voulurent éprouver les Moines, & il vint un Moine bien vétu, auquel ils dirent : Viens icy, & il leur dit injures, & passa outre. Un autre grand personnage, natif de Lybie vint, auquel ils dirent, Viens icy, & il y courut, auquel ils commencerent à bailler sur la joüe, & incontinent il leur tourna l’autre : Les Philosophes luy firent honneur : disant : Qu’il étoit vray Moine, & le firent seoir au milieu d’eux, & lui demanderent : Que faites-vous plus que nous en cette solitude ? Vous jeûnez, & nous jeûnons aussi : vous châtiez vôtre corps, nous châtions aussi les nôtres : Bref nous faisons ce que vous faites. Le bon homme répondit : Nous esperons en la grace de Dieu, & nous gardons nôtre ame. Nous ne pouvons, dirent-ils, garder cela, & étans édifiez, ils l’envoyerent.
Senex quidam erat habens probatum discipulum, quem aliquando contristatus expulit foras. Ille vero discipulus exspectabat sedens foris; et aperiens senex invenit eum, et pœnitentiam egit apud eum senex, dicens: Tu Pater meus es, quia humilitas et patientia tua vicit pusillanimitatem animi mei. Veni intus, amodo enim tu senex et Pater, ego autem juvenis et discipulus quoniam opere tuo superasti meam senectutem.
Un pere avoit avec luy un disciple qui étoit fidelle, lequel étant un jour fâché, il avoit mis dehors : le disciple attendoit étans assis à la porte & le bon homme l’ouvrant le trouva, & fit penitence en son endroit, disant ; Tu és mon Pere, pource que ton humilité & ta patience a vaincu la pusillanimité de mon ame, vient au dedans : desormais tu és vieil & pere, & moy jeune & disciple, car par ton œuvre tu as surmonté ma vieillesse.
Dicebat quidam senum quod audierit aliquos viros sanctorum dicere esse juvenes qui ducatum præbeant senibus in vita hac, et narraverunt, dicentes: quia erat quidam ebriosus senex, et operabatur unam mattam in die, et vendebat eam in vicino vico, et bibebat quod accipiebat de pretio ejus. Postea vero venit ad eum quidam frater, et manebat cum ipso, qui similiter operabatur et ipse mattam unam: tollebat autem eam senex et vendebat, et ambarum mattarum pretium expendebat in vino, illi autem fratri offerebat tantummodo modicum panem ad seram. Et cum hoc triennio jugiter faceret, nihil locutus est frater ille. Posthæc vero dixit frater ille in semetipso: Ecce nudus sum, et panem cum egestate comedo, surgam ergo et discedam hinc. Iterum autem cogitavit in semetipso, dicens: Ubi habeo ire? Sedeo hic; ego enim propter Deum sedeo in hac vita communi. Et statim apparuit ei angelus Domini, dicens: Nusquam discedas, veniemus enim cras ad te. Et rogavit frater ille senem illum ipsa die, dicens: Non discedas hinc alicubi, quia venient hodie mei tollere me. Cum ergo facta fuisset hora qua solebat senex descendere ad vicum, dixit fratri: Non venient hodie, fili; jam enim tarde est. Et ille dixit ei modis omnibus, quia venient: et dum cum eo loqueretur, dormivit in pace; senex autem flebat, dicens: Heu me, fili, quia multis annis sub negligentia vivo, tu autem in parvo tempore salvasti animam tuam per patientiam. Et ex illo die factus est senex sobrius et probatus.
— omis dans cette traduction —
Dicebant de quodam fratre, qui seni cuidam magno vicinus erat, quia ingrederetur, et raperet quidquid haberet senex in cella sua. Videbat autem eum senex, et non objurgabat eum, sed extorquebat sibi plus solito manibus operari, dicens: Credo, opus habet frater iste. Et exigebat a se majorem solito laborem; et astringebat ventrem suum, ut cum indigentia comederet panem. Cum autem mori cœpisset senex ille, circumsteterunt eum fratres. Et respiciens in eum qui furabatur, dixit ei: Junge te huc ad me. Et tenuit et osculatus est manus ejus, dicens: Gratias ago istis manibus, frater, quia propter istas vado in regno cœlorum. Ille autem compunctus et pœnitentiam agens, factus est etiam ipse probatus monachus, exemplum sumens de actibus magni illius senis.
On disoit d’un frere voisin du Pere, qu’il entroit & prenoit tout ce que le bon homme avoit en sa cellule. Il le voyoit bien, & néanmoins il ne le tançoit pas : mais il travailoit plus que de coûtume, & resserroit son ventre, afin qu’il mangeât son pain avec indigence. Le bon homme commença à mourir tous les Freres vinrent autour de luy. Et regardant celuy qui le déroboit, il le fit approcher, & le prit, & baisa ses mains, disant : Frere je remercie ses mains, car elles sont cause que je m’en vai au Royaume des cieux. Ce Frere fut troublé en son ame & faisant penitence, il devint bon Moine, prenant exemple à ce Saint pere.
Texte latin : Verba seniorum, livre V des Vitae Patrum, traduit du grec par Pélage, diacre de l’Église romaine, dans l’édition d’H. Rosweyde reprise par la Patrologie latine de Migne, t. 73 (réimpression de 1879), col. 855–988, relu sur les fac-similés ; sans les notes ni les renvois de l’éditeur. · Traduction française de René Gaultier, Les Vies et les miracles des saints Pères hermites, Rouen, 1696 (orthographe de l’édition). Traduction partielle : Gaultier abrège, et s’arrête après la XIVe partie ; les paroles qu’il ne traduit pas sont données en latin seul. Les gloses morales ajoutées par le traducteur ne sont pas reproduites : le texte donné est un extrait établi par la bibliothèque. Texte du domaine public en France (art. L123-1 du code de la propriété intellectuelle). Transcription et révision : Abbatia Sancti Petri de Curte. Signaler une erreur